Read Komrem SŌKSŌT 22 Bible Online

SŌKSŌT 22 - Komrem bible

SŌKSŌT 22

¹“Mi inkhat in sehrat pui inkhat mo, kemōng inkhat mo amarûk a athat mo, a’njōr mo atlo’nchu sehratpui inkhat kha aja 5 vâng amale sik, kemōng inkhat kha aja 4 vâng amale sik kae.

²Amarûk kha amale nger sik kae. Ama’n heite aneimak jo’nchu, aneinâk marûk malena sik a ama kha mi sōk a a’njōra amale sik kae. Aleimarûk kha se achanga, shakōrtung achanga, a-emak leh kemōng achang jo’num, ama hnenga akahringa a’nhmusōt inchu, inkhat kha 2 hnia amale sik kae. “Inru inkhat jâna mi inn asukkhōi pha ansura anthat inchu, akathatpa kha maset chenmak ning. Tâk-kha sûn pha shunga aleichang inchu mikathat inkhat a maset achen sik kae.

⁵“Mi inkhat in ahlei laia, a-emak leh avomhrui rahōnna ase thlai amansâk hei, khana sesōt hei sona mihei hleia kara anvasâk pek jo’nchu ama hleia a-emak leh avomhrui rahōnna kara vâng amale sik kae.

⁶“Mi inkhat in ahlei hmei ro sona, ahmei ro kha phi kâra injôk jo sona mihei hleia sabor kangir mo, saphe mo akâng inchu, hmei insōpa khan a’nhmang kha amale sik kae.

⁷“Mi inkhat in mihlop dangka a-emak leh mankatam neinâk adapek sik a hnōm jo sona, akadapa inna inphut anmarûk jo’nchu, inrupa kha ansur inchu ama’n neinâk kha aja 2 hnia apek male sik kae.

⁸Tâk-kha inru kha ansur mak jo’nchu neinâk mankatam kadapa kha kamukna hmun a ṭhōi manhlut a mihlop neinâk kha marûk mak eng tia ṭong asekam sik kae.

⁹“Neinâk chungchânga inkhe-beitamna asōk kataia, se achanga, shakōrtung, kemōng, pōn leh der, a-emak leh neinâk inhmang rakip chunga, mi 2 he’n an-inchu jo’nchu, Pathen kamukna hmun a ṭhōi sik hei kae. Pathen in akaṭhepa kae tia amalârpa khan inkhatpa hneng aja inhnia apek sik kae.

¹⁰“Mi inkhat in avenpa shakōrtung, sehrat, kemōng, a-emak leh ran ralak aching pek sik a ahnōm joa, ran kha athi joa, a-emak leh antôn joa, a-emak leh rerûk he’n anṭhōi joa, khana sâkhi tûte a-om mak inchu,

¹¹ama kha kamukna hmun a avakasea mihlop ran kha marûmak eng tia ṭong asekam sik kae. Ran kha aleimarûk achangmak inchu akapupa khan a’nhmang kha akahnōm sik kae, mi inkhatpa kha’num malena heite tlomak jo ning;

¹²tâk ran kha aleimarûk jo achang inchu, mipa khan akapu hneng amale nger sik kae.

¹³Khana ran kha ramsha’n aleithat jo achang inchu, khava ase kachingpa khan manchên theina inkhat a sâkbang ahei rôn sik kae, ramsha tathat jo kha ama’n apek male sik rangei mak jo.

¹⁴“Mi inkhat in ran inkhat mi inkhat hnenga inphut sân sik a avalo joa aran kapupa hmuloa intôn jo sona a-emak leh athi jo’nchu, apek male sik kae.

¹⁵Tâk-kha akapupa omlai aleisōk inchu pek male sik rangei mak. Khavakha ransân achang inchu asânman apek kha leh a’nhmang kha intōk jo.

¹⁶“Pase inkhat in nuhngâk intheng ṭong ala’nchai mak inkhat hōnmathlâk a ajepui inchu, nuhngâk man kha apek a anuhmeia a-ompui sik kae.

¹⁷Tâk nuhngâknu pa khan ama ta-ompui sik kha aleihnōm mak jo’nchu, ama khan apa hnenga nuhngâk intheng man leh in-ang sêr kha apek sik kae.

¹⁸“Nuhmei dôi kahmang rakip kha that hei ruh.

¹⁹“Ran leh taksa inchun rakip kha that hei ruh.

²⁰“Tu achang inum RŌNGPU kei hnenga tei loa pathen lak hnenga ava’nthôi mi kha thina pek ruh.

²¹“Ramlak mihei kha tlomanrim mak hei ruh; Egypt ram nangni ram hlop mi aleikachang chei kae, mandonsōt ruh.

²²Hmeithai, nu leh pa kasehei kha tlomanrim mak hei ruh.

²³Nantlo manrim he’nchu, RŌNGPU, Ke’n inṭangpui rangeia kahnenga an-ông pha kamasôn sik hei kae,

²⁴khana kahnuk kana sik a kha re shunga kathat sik chei. Nannuhmeihei kha renghmeinu kachang sik hei khana nansahei kha pa kase kachang sik hei.

²⁵“Kami sara kachang tu inkhat hnenga sêrpûk nanpek inchu, sêrpûk kasem hei tlongai kapōa tlomak ruh khana sêrthōi ahongpek sik cheia rangei mak ruh.

²⁶Nang in mi inkhat pōnsi, aneinâk bat jâra bandhop matung sik a nalo’nchu kani atlâk hma ahnenga napek male sik kae,

²⁷Ajârchu atak lumna sik a inkhu sik kharōk kha anei kae. Aje torna sik a heimo aneisa ka-om? Kahnenga inṭangpui ader a a-ông pha, ke’n kamasôn sik ajârchu kei lungsetna kasip enga kae.

²⁸“Nang in Pathen hrimaset mak roh, khana nanmipui hlamkakei inkhat kha hâksêr mak roh.

²⁹“Alōk pha kha atluk jo pha nanhmuchi kâra, nanju, khana olive thai heia inphut tōk sik hei kha kei apek ruh. “Nansapa a’nte hma kakeihei kha kei apek ruh.

³⁰Nansete leh kemōngte a’nte hmakakei kha kei apek ruh. Hma-inkei a’nte kha anu leh ni 7 omsap hei rasoh, ni ret chang ning chu kei hneng heitōk jo ruh.

³¹“Nangni kami chei kae, khava jâra nangni’n ramsha tathat shahme inti pou-pou nantasâk mak sik kae. Khava kanek a uihei pek hei ruh.