Read Komrem JOB 12 Bible Online

JOB 12 - Komrem bible

JOB 12

¹Ôk, mipui ṭong kha nang tahri hi kae. Nang in nathi pha singna kha’m nang leh kathisap sik jo.

³Tâk-kha nang in namanhret kapōa ke’m manhretna kanei; kei hi heikhat a nang kanek a akatlasam changmak eng; nang in nahri rakip hei kha mi rakip in anmanhret.

⁴Tûnchu kaṭhōnhei kapha’num anmanuisō eng; Kei hi ṭhenakase leh akadik kachang inum anmani’n anmanuisō eng; tâk-kha Pathen in kaderna arangei pekna eng phat inkhat leika-om.

⁵Nang chu châmna neimak che, kha’num semsetna nanei jo eng; pûr rong kati mi kha navōk a kae.

⁶Tâk-kha inru leh Pathen inhret mak hei kha kamōnga ka-om hei, anmani pathen chu anratha hrat rōk kha achangtâk inum.

⁷Va leh sha he’n anmanthei torna chei ahlam hingja annei;

⁸ralei leh tuipui shunga ranhringhei hneng ansingna kha der hei roh.

⁹Rōngpu kut in asyem ung kae tia ankhenga anmanhret.

¹⁰Akutsyemhei hringkhō hlamkakei kha Pathen kae; mi rakip hringkhō hi ama ratha neina shunga ka-om.

¹¹Tâk-kha namalei in thlai katui amanhret kapōa, nakōr he’n ṭong anthei leh kahōi ansak a kae.

¹²Upahe’n singna annei, tâk-kha Pathen in singna leh ratha hratna anei. Upahe’n inria hmun a annei; Pathen in inria hmun a leh tlosōtna sik rathahrat kha anei.

¹⁴Pathen in anvōkkhōi pha, tu’n mo asyemsōt tor sik, Pathen in akhum jo hei kha tu’n mo amasōtor sik?

¹⁵Pathen in khōtui hi akhâr phat a ram kha hong kachâr ri; ama’n tui hi ahei masō phat a tui kha hong kalen ria kae.

¹⁶Pathen chu kahrat khana pha rakip a torna anei; mikahōn leh hōnmathlâk hei kha ama rathahrat thōia ka-om hei.

¹⁷Ama’n vaikarônhei singna alosōt, khana hlamkakeihei kha mikamo kapōa ṭōn amantlo hei.

¹⁸Ama’n renghei amanhai hei, khana kurkhum a ada hei;

¹⁹ama’n thempuhei leh ratha kaneihei kha amansinsak hei.

²⁰Mi tataksen hei kha ama’n sip amanti hei, khana upahei singna kha alosōt pek hei.

²¹Ratha kaneihei kha hmaimôkna apek hei, khana vaikarônhei ratha neina kha alosōt pek hei.

²²Thina kapōa a’nthim hmun a khan hmeivâr atir pek hei.

²³Ama’n jât-hei kha akahrat leh akalen amanchang hei, tâk-kha hnunga chu khahei kha ator heia asuk manhmang ri hei.

²⁴Ama’n anhlam kakeihei kha a’nvet a asyem hei amanhmak heia amanlôn lele hei khana amanvai hei,

²⁵inthima ankut ankachoma ju inrui kapōa anhek anhek a kase hei.