Read Komrem JOB 13 Bible Online

JOB 13 - Komrem bible

JOB 13

¹Nang in nahri rakip hei kha ke’n hma khan kalei thei jo hei. Khaseng kha ke’n kamanhret hei, nang tamanhret kapōa ke’num kamanhret hei. Kei hi nang kanek a tlâksam mak eng.

³Kha’num kei hi Pathen leh a’nnâk ung kae, nang leh changmak. Kaṭong hi ama leh inkhe sik a kamadu.

⁴Nang in heite namanhret makna kha maleisei vânga namakhu; nang hichu akana tûte inkhat mandam torlo thempu kapō che kae.

⁵Heite hrimak roh, khan chu tu inkhat in mikasinga amandon thei sik che.

⁶Ke’n kaṭong hi kahri pha, kaṭha rangei roh.

⁷Heisik a mo maleisei nalahri? Namaleiseina khan Pathen sik a hnemna ka-om sik tia namandon mo?

⁸Nang in Pathen hi hrung sik a a’ntluk che mo? Ama sik a ṭongtan hmun a mi maher sik mo nati?

⁹Pathen in nang kha a-enmanchên che’nchu nanga inphut akaṭha heikhat ahmu sik mo? Mi nahōn hei kapōa Pathen kha hōntor sik a a’ndon che mo?

¹⁰Namalunga ôtum neina kha nathup inum, ama’n nang arasei sik che,

¹¹khana ama ratha neina khan ṭitna amansip sik che.

¹²Nang ṭongchîk-hei kha ravut kapōa ahnemna kase kae; nami maherna kha matlak kapōa inharkhōia kae.

¹³Sip ti roh khana ṭong hritheina pha apek roh, hei omchen achang inum kahnenga heisōk jo parasoh.

¹⁴Kahringkhō hi inrengna thōk sik achang inum kei intluk jo eng.

¹⁵Ka’nhōrna rakip inhmangpet jo, Pathen in athat eng inchu heidôm sik mo? Kaṭong hi ahnenga kamathlung sik jo.

¹⁶Kangarna’n kei ahuk thei eng, ajârchu mikaṭhamak tûte’n Pathen hmai inhngetpui ngammak heia kae.

¹⁷Tûnchu kaṭong hri manchênna hi rangei roh.

¹⁸Kaṭong hi hri sik a intluk jo eng, ajârchu kei hi kadik eng tia inhret eng.

¹⁹Pathen, themmô anikapek sik a akahong sik che mo? Natlo khâk inchu, kei chu sip katia akathi sik a intluk jo eng.

²⁰Ṭong inhnilim der che rong, khahei kha ahnōm pek roh, kha achang inchu nanga inphut inthup sik a reimak jo ning;

²¹nakarâkna eng hi bâng roh, khana ṭitna vânga asuk karâkmak roh.

²²Eh Pathen, kei hneng hma heihri roh, khana ke’n masôn che rong. Achangmak leh ke’n hri masa rong, khana nang in eimasôn roh.

²³Kasetna hei kha heimo? Hei dikmakna mo katlo jo hei? Hei ṭōnsehei mo kachunga pekna aka-om?

²⁴Heijâra mo kei nadonmak eng? Heijâra mo inrepui kapōa natlo eng?

²⁵Kei hi maṭhit sik a a’ntluk che mo? Kei chu heite changmak eng, thingbō kapōhrep eng kae; nang in sapôt kachâr inkhat hi buhluna sik a natlo jo.

²⁶Rether kachang laia kaleitlo hei chunga kapha’m, kachunga masetna pekna sik a nahei rôn sōt hei.

²⁷Nang in kakea thirhrui vâng nakhōp pek eng; kakethon rakip na-ensui ṭhak eng, kakebi hei kapha’m na-enmansin enga kae.

²⁸Khava kara khachu, thing kaṭop kapōa innoi jo eng, ra-nge tasâk zakkō kapō kha ka-ang jo eng.