Read Komrem JOB 15 Bible Online

JOB 15 - Komrem bible

JOB 15

¹Job, ṭong kaemak kae! Ṭong kaemak kae!

³Mikasing tûte’num nang kapōa hrimak ning khana ajâr kase ṭong vânga inhrung mak ning.

⁴Nang in namadu hrep a na-om inchu tûte’n Pathen kha ṭitmak jo hei ning; tûte’n ahnenga derna neimak jo hei ning.

⁵Namalung ṭhatmakna kha naṭong hri khan amalâr, naṭong kalip vânga khan inthupna sik natlo.

⁶Ke’n nang mô kapekna sik che heite rangei mak jo; ajârchu naṭong hri rakip khan nang mô apek jo che.

⁷Nang hi ahma inkeipena a’nte eng kae tia a’ndon che mo? Pathen in tlângbunghei asyem lai khan nang aleika-om jo che mo?

⁸Pathen ṭōnmantluk hei kha nang in naleithei jo hei mo? mihring singna kha nang rōk in nanei jo mo?

⁹Keini taman hretmak kha nang in namanhret heite om mak.

¹⁰Keini’n sam kabang jo miheia inphut inchuna kannei, napa mak hma ale’nte loihei hnenga inphut.

¹¹Pathen in inpâkna apek che; heisa mo nang in narahlâng mak? Keini’n ama sik a ṭong kadai vânga kanhri pek che.

¹²Tâk-kha nang inhâng chea, hnuknat pum a na-en ung.

¹³Nang in Pathen chunga nahnuk kana a ama kha nahlon sōt jôk.

¹⁴Mihring inkhat hi a’nthengtak aka-om tor mo? Mi inkhat hi Pathen hmaikunga akadik aka-om tor mo?

¹⁵Heisa mo, Pathen in angevahei kapha taksen mak hei; ahmit ena anmani intheng mak hei.

¹⁶Tui kapōa mihe’n akaṭhamak kha an-in; kadik, anmani intheng mak hei, hnemna kase hei kae.

¹⁷Job, kei tamanhret hi tûnchu rangei roh.

¹⁸Mikasinghei khan akadik kha anmanthei eng anpu sōnhei hnenga inphut antamanhret hei seng kha, anmani’n heite thup mak hei.

¹⁹Anram kha mihlop-heia inphut masōsōt leikachang; anmani kha Pathena inphut hlamlea ankaṭhōisōt sik tûte leiom mak.

²⁰Milak-hei suk manrimna kape malung kaṭhamak-hei kha anhring lai seng inrimna kha ande sik.

²¹Ankōr shunga ṭitna rasa anthei sik, kahōi jo ung anti laitak inru he’n anbuhlu sik hei.

²²Inthimna inphut inphesōtna sik inhōrna neimak hei, ajârchu hmun inkhat a chemjâm in that sik heia ahngâk hei;

²³ankathi kalōng kha muthong he’n sâk sik a anhngâk hei. Hnunga anpha kha inthim tia anmani’n anmanhret;

²⁴khōdeng theina khan ratha kaneitak reng inkhat kapōa re tuk sik heia ahngâk hei.

²⁵Khava vângset kha Pathen hneng ankut tōm kakhing hei leh Akahratpen Pathen kadonmak hei chen sik kha kae.

²⁶Anmani inlensak hei khana kadôi hei; êng kasetak a anphō ankalâng hei khana Pathen hneng re katlo sik a inrang heia kae.

²⁸Khōpui kalo hei leh akapu katlânsōt jo hei inn kalo hei kha anmani hei hi kae, tâk-kha re khan khava innhei leh khōpuihei kha alasuk manhmang sik heia kae.

²⁹Anmani pha kasôttak hao mak hei ning, annei hei kha akasôt om mak hei ning. Anrahle kapha’m ala’nhmang sik kae,

³⁰inthim kâra inphut tlânsōt tor mak hei ning. Anmani kha abâk hmeia akakâng jo, anpârhei thli’n asêmtlenpek jo hei, thingkung kapō hei kae.

³¹Anmani’n akaṭhamak kha taksenna hrep sik a akamo anchang inchu akaṭhamak kha anmani tloman kachang sik.

³²Anpha kha ahongtluk mak hma invōi sik jo hei, thing bâk kapōa invōi sik hei, avea andôn hongcher mak jo ning.

³³Anmani kha vomhrui thei ahmin mak hma a’nhmanghei kapō, aheipârtak leh akaṭiri olive theikung kapō hei kae.

³⁴Pathen inhret mak hei sik sōn leh pâr neimak hei ning, marûk a a’nlo sêr vânga a’nsak inn kha hmei in asuk manhmang sik.

³⁵Khōdeng theina sik ṭōn intluk leh akaṭhamak katlohei kha hihei hi kae; anmalung hei kha mihōnna rōk kasiptak a kae.