Read Komrem JOB 16 Bible Online

JOB 16 - Komrem bible

JOB 16

¹Khava kapō ṭong kha hma khan kalei theisa jo hei kae, napek eng lungngamna khachu inrimna rōk kae jo.

³Are-rea ṭong hi nahri ṭhak sik jo mo? Achaina ṭonghri sik nalaneiṭhak mo?

⁴Ke’n nang kalei changa, nang in kei nalei chang inchu, Nang tahri rakip hi kei inum kahritor sik. Ke’n kasing tak a kalu kakalek tor sik khana ṭong hingja kahria kamanngeitor sik che.

⁵Ṭongpek kapek sik chea kha ratha kabesa pek tor sik che khana nang lungngamna sik a ṭong kahri ṭhak tor sik.

⁶Tâk-kha kaṭong hri hei hi heite hnemmak, khana sip tina hi’num kanat mandaidek mak.

⁷Pathen, nang in namanṭōiber jo eng; nang in ka-innshung mi namanthi jo ung.

⁸Nang in nasur jo eng, nang hi kei kadōi che kae. Kei karu leh kavun rōk jo eng kae, khana mihe’n khavakha kei ṭhena manchênna kae tia anlo.

⁹Hnuknat jâra Pathen in kake rakō akeihler eng; khana mater tak a a-en eng.

¹⁰Mihe’n anlu ankachuk thlōn eng, ankakekhum enga kangambea ankaben eng.

¹¹Pathen in mikaṭhamak-hei kut a apek sōt eng.

¹²Kamōng tak a leika-om eng, tâk-kha Pathen in kahrak a akarâk eng, khana katluk set a asuk enga, arabun jo eng. Pathen in abitin them manchuna inkhat a ahmang jo eng

¹³ramkei rakip a inphut the vâng ajōng kâp eng the khan anikâp masuk enga anitôn jo eng; khava katlunga’m lungsetna kha malâr dekmak a kae.

¹⁴Ama’n ave-avea amantôn eng, mi hōtna’n amanvet jo remi inkhat kapōa abuhlu jo eng.

¹⁵Ṭajai kasuia borapōn kasi hei, hmaimôk kachen jo inkhat a ravut kâra in-ong eng.

¹⁶Kahmaisō asenpâng sō mak kârseng, kahmit a’nthling heia hmit sir hei kha akadup in akakebit mak kârseng kaṭap jo eng,

¹⁷tâk-kha innâk-inse katlo akaṭhetak khachu changmak eng, khana Pathen hnenga kaderna hi malung inthengtak a kader kae.

¹⁸O Ralei, kachunga ṭhena tlona kha thup mak roh! Akadik hmun a sik a ka-ôngna hi mandai hnâm mak roh!

¹⁹Marvân chunga tu mo inkhat kei sik a akangir sik leh ani kabôm sik laka-om.

²⁰Kaṭhōn he’n anrasei eng; Pathen hnenga kahmit he’n hmit-rathli kha anbun.

²¹Mi inkhat in Pathen hneng antahri pek sik enga kamadu ṭhōn inkhat sik a mi inkhat in ahri pek kapōtak a.

²²Tûnchu kakum hi hong kathleng jo, ahong inle nôk mak sik a hlam kha kajui jo.