Read Komrem JOB 18 Bible Online

JOB 18 - Komrem bible

JOB 18

¹Job, nang kapō mihei hi sip titor mak hei mo? Nang in sip tia narangei inchu keini’n abân kanhri thei sik a kae.

³Keini hi ran-sha kapōa akamohei tia hei-inmo mandonna amannei che?

⁴Nahnuknat in nabinga nataksa a’ntôn che kae. Nang hnuknat jâra raleichung hi heite omlo akarōk akachang sik mo? Nang lungdo mathlungna sik a tlâng hi athon sik hei mo?

⁵Mikaṭhamak-hei vâr kha khanga that mandaia laka-om sik; anhmei male kha avea ho’nsûk mak jo ning.

⁶Anpōn innshunga thaihmei kha inthima ka-om sik hei.

⁷Anke thōn kha kahnet, tâk-kha tûnchu inpai jo hei; anbing mansena kalalen a khan in-ôk jo hei.

⁸Châng inkam shunga kahlut jo hei, khana ankea asurpek jo hei;

⁹châng in anke rahmit asura amatu jo hei.

¹⁰Raleia mater ka-om tak inkhat inthup a ka-om; anhlam hrona châng kha inkama kae.

¹¹Ankimvea ṭit-inpirna in ahngâk hei; ankethon rakip a ajui hei.

¹²Mikahao leikachang hei tâk-kha tûnchu vonṭâm ande jo; inrengna khan kangira anhnenga ahngâk jo hei.

¹³Antaksa chunga thinathei natse in akatōm jo hei khana ankut leh anke amanṭop pek jo hei.

¹⁴Inhuktak a anleiomna pōn-inna inphut ankei ṭhen jo hei khana Kathi Rengpa hnenga sik a ankei jo hei.

¹⁵Tûnchu, tu inkhat in anpōn-inna ka-om thei sik jo hei anhnat makna sik a kantuk ankathing thlōn sōa!

¹⁶Anrajung leh anbâk invōi heia kachâr jo hei.

¹⁷Anrahming ṭhat kha inna leh vânga inchai jo hei; tûte’num avea mandonsōt mak jo hei.

¹⁸Anmani kha akahring hei ram a inphut hnongsōt kachang sik jo hei; vâra inphut inthima hnongsōt jo hei kae.

¹⁹Antusōn tere inkhatbek akahring om mak hei.

²⁰Nisōtinga inphut tlaitlâk katlunga anmani vângsetna akathei he’n anṭit a innok hei.

²¹Khavakha mikaṭhamak-hei vâng chen kha kae, Pathen heite kadon mak hei vângset kha kae.