Read Komrem JOB 19 Bible Online

JOB 19 - Komrem bible

JOB 19

¹Heisa mo naṭong hri vânga namanchâm eng?

³Nang in apha-pha a inzak napek eng, khana êng kasetak a natlona eng chunga inzakna malâr dekmak che.

⁴Ke’n dikmak katlo jo’num, heikhonga mo nang atôn jo che?

⁵Kei kanek a nang kaṭha eng tia namandon, khana kei inrengna hi kei ṭhena jâra kae nati.

⁶Hihei hi Pathen tatlo kae ti hi manhret mak che mo? Kei surna sik a ama’n châng ado jo kae.

⁷Ama’n thina ṭōn atlona chunga inphin eng; tâk-kha tûte’n arangei mak hei; akadik jongna sik a kaṭana kha tûte’n athei mak hei.

⁸Pathen in hlam kha akhâr jo, ke’n petan tor mak eng; kahlam hro kha amanthim pek jo eng.

⁹Kakarōi seng ama’n alosō pet jo karahming inthangna hi’m amanhmang pek jo eng.

¹⁰Ama’n ramkei rakip a inphut akaben eng. Ka’nhōrna kha alosōt a akaṭi sik leh akathi sik a adahlon eng.

¹¹Pathen kha kachunga ahnuk kana, ahnuknat akhe hêr; ama’n kei hi a’nrepui akaṭhamakpen inkhat a alo jo eng.

¹²Kei kabuhlu sik a aremi ahei tir hei; kapōn-inn kimvea tuikhông anchoa anhlō eng.

¹³Pathen in ka-innshung mihei animan dahlon eng; kei inhret hei hnenga mihlop kachang jo eng;

¹⁴Ka-innkō leh kaṭim kare he’m kasesōt jo hei.

¹⁵Ka-inna khōhme aleikachang hei kha’num anmahngi jo eng. kasōk nuhmei he’n kei hi khōhme leh ram hlop mi kapōa antlo jo eng.

¹⁶Sōk inkhat kabek pha amasôn mak jo, ani inthōpuina sik a ngekna kanei pha katlunga’m.

¹⁷Kabei marim hi kanuhmei in rangei tor mak, kasōpui he’num kahnenga hongmak jo hei.

¹⁸Naipang he’n anihmu pha anhnōise eng khana anmanuisō eng.

¹⁹Ka’nhnaipui pen kaṭhōn he’n mater tak a an-en eng; kalungset pen mihei kha’num andōi jo eng.

²⁰Kavun in karu chunga innon dâk a kakai jo; kahringkhō hi deng pahrea inphesōt eng.

²¹Nangni kaṭhōn chei kae! Kei eilungset ruh! Pathen kut in avōk mathlûk jo eng.

²²Pathen tatlo kapōa heisa mo nangni’n nantasuk manrim sik eng? Katluk hrep a nanta-ôt jo eng changmak mo?

²³Tu mo inkhat in kaṭonghei hi amandonsōt pek eng inchu, khana lekha inkhat a amazetsōt inchu heituk a akahōi sik mo tia kamandon!

²⁴Achangmak leh thirhem inkhat vâng hlunga ahem rabek heia amazet inchu are-rea an-om ṭhakna sik a tia kamandon.

²⁵Tâk-kha marvâna tu mo inkhat kei ani kahrung sik achaina pena lakahong sik ti hi kamanhret.

²⁶Kataksa vun rahlung in asâk jo’num, hiva taksa kalōnga ka-omlai hin ke’n Pathen kha kalahmu sik.

²⁷Kahmit khet a ama kha kalahmu sik, khana ama kha mihlop inkhat changmak jo ning. Kamalung hi katlasam ajârchu nangni’n nanleiti,

²⁸“Eini’n heikhonga mo ama nitlo manrim tor sik?” Nangni’n kei buhluna sik a ahlam nanjonga kae.

²⁹Tâk-kha tûnchu, chemjâm kha ṭit ruh, setna chunga Pathen hnuk natna ahei karôn sōt chemjâm kha, ṭongkatan inkhat laka-om ti nanmanhretna sik a.