Read Komrem JOB 20 Bible Online

JOB 20 - Komrem bible

JOB 20

¹Job, nang in kamalung manhōi mak jo che. Tûnchu masônloa omtheimak jo eng.

³Nang tahri hi inzak pekna kae, tâk-kha heikhong mo masôn sik che ti hi kamanhret.

⁴Nang in namanhret, tenlaia raleichunga mihring anleida masa pen lai khan,

⁵mikaṭhamak-hei kha pha kasôttak kahōia leiom mak hei.

⁶Anmani kalen kakhang thei hei, chungvân anvaphâk thei sik, kalen hêr heia anlu khan sumtuk anvasun thei,

⁷tâk-kha anmani kha vaiphin kapōa thli’n asemsōt sik hei kae. 1 Anmani inhret hei khan khonting mo akase jo hei tia inlak ansak sik.

⁸Anmani rahmang kapōa leh jân hmangtalâr kapōa inhmang sik hei, khana avea inhmu mak hei ning.

⁹Mikaṭhamak-hei kha anleiomna hmun a inphut inhmang sik jo hei;

¹⁰anmani’n sara heia inphut anta heimarûk kha ansa he’n anhnempui sik a kae.

¹¹Antaksa hei kha kadông heia ratha annei sik, tâk-kha inranga ravut kachang sik hei.

¹²Akaṭhamak tlo kha anmani sik a chu katui hêr sik a-inhnikna kha hōipuina sik a anbei shunga ahlek anlada ria kae.

¹⁴Tâk-kha anvon shunga chu thlai kha tûr kakha hongkachang ri, tûr heikhat kapōa kakha ri.

¹⁵Mikaṭhamak he’n atamaruk karōihei kha anmalōksōt nôk; Pathen in khavahei kha anvon shunga inphut kapha’m alomale nôk sik hei.

¹⁶Mikaṭhamak-hei tamade kha tûr kapō kae; tûr kaneitak mari’n amachuk kapōa athat hei.

¹⁷Anmani olive thai tuidung aka-en sik a achangmak leh khōihning leh sene kalōng tuidung hmun a sik a hringmak hei ning.

¹⁸Anmani anṭōn tlona rakip hei kha antamasō pet sik kae; ankarōi buk hōipuina sik a pha kaṭha chenmak hei ning,

¹⁹ajârchu anmani’n misarahei kha an-ôt heia donmak hei khana mi tasaksa inn ankasut heia kae.

²⁰Anphâmhrai setna kha khoptik neimak hei.

²¹Anmani’n ansâk pha sâkbang heite man om mak hei, tâk-kha tûnchu annei kha achaina pha kha kahong jo.

²²Anhmesōna a’nshângpen chunga khan, inrengna phurhrik khan anam mathlâk sik hei.

²³Antamadu chenna sâk hei rasoh! Pathen in hnuknat leh hnuk hrâng pum a akarâk sik jo hei.

²⁴Thir chemjâma inphut tlânsōtna sik antlo pha, sum-êng sai in akâp mathlâk sik hei.

²⁵Antak a thesang in akathi hlon sik hei; tak intônna bia khan thisen bet-bet katia katla sik, anmalung kha ṭit-inpir in akachûm sik.

²⁶Anta leimanbuk rakip inhmangsō sik jo; mihring kut in amansûk mak hmei in anmani leh an-innshung mi aro mankâng sik hei.

²⁷Marvân in ansetna amalârpek hei, khana ralei in anchung châng ṭong ahria kae.

²⁸Pathen hnuknat tuikalen khan ankarōi rakip akhenga asuk manhmang sik.

²⁹Hivahi kae mikaṭhamak-hei vâng chen sik, Pathen in anhnenga amanchen hei kha.