Read Komrem JOB 22 Bible Online

JOB 22 - Komrem bible

JOB 22

¹Pathen hnenga hmangchâk thei akae mikasingpen tu inkhat aka-om mo?

³Nang in akadik natatlo khan Pathen sik a akahnem mo, achangmak leh akaṭha nachangna khan ahnenga inthōpuina anei mo?

⁴Hivahi nang in Pathen ṭittak a na-om jâra ama’n arasei che leh ṭong tan sik a akei che changmak.

⁵Kha changmak, hivahi nang in naset rei jâra kae; hivahi nang in akaṭhamak rakip natlo hei jâra kae.

⁶Nasōpui inkhat asêrbat che apek malena sik chea, apōnsi nakasut a, a’nsi sik heite dapek mak che.

⁷Akachâm neng hei kha, tui pek hnōm mak hei che, von kaṭâm hei kha, vei hnōm mak hei che.

⁸Nang in naratha, nalenna kha nahmanga ram akhenga lona sik a natlo.

⁹Hmeithai hei inthōpui sik nahnōm mak rōk kha changloa, nang in nu leh pa kaneimak hei nachom hei khana êngset a natlo hei.

¹⁰Khava jâra tûnchu nakimvea khur inchopet jo, khana manhret manloa ṭitna kasip jo che.

¹¹Inhnaktak a hong inthim joa khō hmumak jo che, khana tuilen in amakhusi jo che.

¹²A’nshângpen marvân heia Pathen kha om mak mo, ârsihei kha an-inshâng inum, chunga inphut hei-en mak heia mo?

¹³Kha achang inum nang in nader, “Pathen in heimo amanhret? Ama chu sumtuk in amakhu tlit kae, ama’n heikhong inmo nichunga ṭong atan sik?”

¹⁴Sumtuk in ama amanhlea ahmutor mak ning, bōirōk kâra ama chu akalôn lele kae tia namandon.

¹⁵Mikaṭhamak-hei hlam juia khan nang um se sik a namandon mo?

¹⁶Anmani pha kha ahong mak hma, tuikalen in atlen ri heia kae.

¹⁷Pathen kahlonsōt hei leh anhnenga ama’n heite tlotor mak tia akataksenhei kha anmani kha kae.

¹⁸Kha achang inum anmani haona kape kha Pathen kae, mikaṭhamak-hei mandonna hichu kei manhret theimak eng.

¹⁹Mikaṭhamak-hei hneng karâkna pekna hei kha anhmu pha, mikaṭhahei kha inpâk hei khana ṭhenakasehei khan anmanui.

²⁰Mikaṭhamak karōi rakip suk manhmang sik kae, khana anhlei hnômkehei kha hmei in akâng vâmpet sik kae.

²¹Tûnchu Job, Pathen leh inchamna inkhat nei jo ruh Ama kha nakadōi inkhat a nalo kha hai roh; hinga natlo’nchu ama’n vâng apek sik che.

²²Ama’n amanthei che kha rahlâng roh, aṭong kha namalunga inda roh.

²³Kadik, nang insinsaktak a Pathen hneng a’nle sik che kae khana na-inn shunga nanta leitlo akaṭhamak rakip nahlon sōt pet sik kae.

²⁴Nasana hlonsōt jo roh; nasana kaṭhapen kha tuikhông kachâra phûm jo roh.

²⁵Akahratpen Pathen kha nasana chang rasoh, ama kha nang sik a dangka manbukṭak kha chang jo rasoh.

²⁶Kha achang inchu Pathen kha nataksen ṭhak sik jo khana ama kha nang hōina kung kae tia namanhret sik jo.

²⁷Nang in nader pha ama’n ahei masôn sik che, nang in na’ntepna kha najui kaṭha sik jo.

²⁸Natlona rakip a chung sōkna nanei sik, nahlam a khan vâr hong kavâr sik.

²⁹Pathen in inlensak-hei kha akei mathlâk hei, a’nsinsak hei kha ama’n ahuk hei.

³⁰Nang ṭhenakase nachang inchu, khana naṭōntlo kha adik inchu ama’n nang ahuk sik che.