Read Komrem JOB 23 Bible Online

JOB 23 - Komrem bible

JOB 23

¹Atûnum ke’n Pathen kadōia inphin eng; kei inkōina hi haitor mak eng.

³Ama omna kha kamanhret inchu khana a-omna khan heikhonga se sik mo ti kamanhret inchu tia kamandon.

⁴Ama hmaikunga kaṭong hi kahrisōt sik kei inhukna maherna rakip kahrisōt sik.

⁵Ama’n heimo ahei hri sik heikhonga mo ahei masôn sik eng ti kha kamanhret hnōm.

⁶Pathen in kei dōina arahnak rakip kha ahmang sik mo? Changmak, ke’n ṭong kahri pha arangei pek sik eng.

⁷Kei kamalung intheng, Pathen leh inbektor sik eng; ama’n kei hi ṭhenakase kae tia ahei tik a sik a amalâr sik eng.

⁸Nisō katlunga kava jong jo, tâk-kha Pathen khachu leiom mak; tlaitlâk ting kava jōng kha’num hmumak eng.

⁹Pathen in sak ting leh thlang ting ṭōn atlo, tâk ke’n hmutor mak eng.

¹⁰Achang inum Pathen in kei kethon rakip amanhret; ama’n a-enmansin eng inchu, inthenga ka-omje hi amanhret sik.

¹¹Ama hlam kadeina kha ke’n taksentak a kajuia, ahei tik a veiting changting inhe mak eng.

¹²Pathen ṭongpek kha ke’n ahei tik a kajui, ama lungdo kha katlo, kei tamadu kha juimak eng.

¹³Ama chu inthlengtik neimak. Tûte inkhat in ama kha dōi tor mak khana atatlo hnōm kha thingtor mak hei.

¹⁴Kei sik a amantlukna kha hui amathlung sik; khavakha amantlukna hingja kâra inkhat kae;

¹⁵Ahmai kunga ṭitpum a innok eng,

¹⁶Akahratpen Pathen in ka’nngamna rakip amanhmangsō jo. Inthim khan kahmit amancho jo inum kei hneng ṭitna anikape kha inthim kha changmak, Pathen kha kae.