Read Komrem JOB 26 Bible Online

JOB 26 - Komrem bible

JOB 26

¹Sara, mi katlasam kei hnenga, nang hi heituk a ka’nthōpui kaṭhatak kha akachang che mo!

³Nang in hiva akaṭhatak mansena hi napek eng, kei mikamo hnenga nang themna kha namanthei eng!

⁴Naṭong rakip kha tu’n mo rangei rasoh tia namandon? Hinga ṭong roh tia tu’n mo amathok che?

⁵Ralei thōia ka-om tuipui shunga akathihei rathlahei kha innok hei.

⁶Pathen hnenga chu akathihei raleichung kha inhlânga ka-om; ama hmit-enna chu amakhuna hei-inkhat in khârdek mak.

⁷Pathen in sak tinga bōirōk kha amazersōt a ralei hi bōirōk a khan amakhei.

⁸Sumphai chunga tui amansip leh, ahrik jâra ahong sōkkhōi sik a inphut akakhâm kha Pathen kae.

⁹Thla kalir kha sumphai rahlea athup ri.

¹⁰Ama’n tuipui hmai chunga kōikim inkhat amazet a vâr kha inthima inphut aṭhensōt.

¹¹Ama’n bōirōk kachohei kha ahei maṭhit pha, khahei kha kaṭi heia innok inthing hei.

¹²Tuipui kahlōtor kha ama rathahrat kha kae; Ama themna’n Rahab khōhripa kha asuk manhmanga kae.

¹³Bōirōk manthengna kanei kha ama kaphuk sân kha kae, akatlânsōt khōhripa kathat kha ama kut kha kae.

¹⁴Tâk-kha hihei hichu ama rathahrat manhmuna hrep hei kae, inphôngloa kōr kunga nithei hrep kha kae. Pathen kha kadiktak a heituk akalen mo ti hi tu’n mo amanhret tor sik?