Read Komrem JOB 27 Bible Online

JOB 27 - Komrem bible

JOB 27

¹Kadikna ani kahri pek mak leh kahringkhō inhuimak, akahring ṭhak Akahratpen Pathen rahminga intep eng,

³khachu Pathen in kaphuk ani mansân lai seng,

⁴kabei in akaṭhamak heikhat hrimak ning, kamalei in maleisei hrihêr mak ning.

⁵Nangni kadik chei tia timak ning; kathi sik ting katlunga kaṭhe makna kha kahri ṭhak sik.

⁶Kei kadik eng tia kahrina kha bâng hêrmak ning; kei malung ṭhen theina kha intheng senga kae.

⁷Kei kadōia ka-om mi rakip hei kha mikaṭhamak-hei kapōa karâkna kha hmu hei rasoh!

⁸Pathen in anhringkhō alopek sik hei pha khan pathen-kase hei khan hei inhōrna mo antalanei sik?

⁹Khōdeng theina ahong pha, anmani ṭapna hei kha arangei pek sik mo?

¹⁰Anhnenga apek hei hōina kha anleimadu sik a kae; ahnenga intanloa anleider sik a kae.

¹¹Pathen ratha kha heituk-hrep a akalen mo manthei che rong, khana Akahratpen Pathen mantlukna kha hrimanchên pek che rong.

¹²Tâk-kha changmak, hei-achang inum, nabinga nahmu jo kha kae; khan chu heisa mo ajâr kase ṭong kha nalahri?

¹³Chunghnung Pathen in akaṭhamak leh mi kakhôk hei kha hing’hin karâkna apek heia kae.

¹⁴Anmani’n sapa katamtak anneithei, tâk-kha ankhenga rea kathi sik hei; ansa he’n anvon kakhop a sâk leh in hmumak hei ning.

¹⁵Akahring hei kha’m nat anraveia kathi sik hei, annuhmeihei kapha’num ṭajai suimak hei ning.

¹⁶Mikaṭhamak he’n dangka anmanbuk thei, khana mi inkhat tarangei kanek a pōn anmanbuk thei;

¹⁷tâk-kha mikaṭha ṭhahrep he’n pōn kha an-insi sik, khana malung intheng ṭhahrep in dangka kha anchen sik.

¹⁸Mikaṭhamak in maimôm châng kapōa an-inn ansak hei a-emak leh hlei kahngâk sōkpa inn kapōa.

¹⁹Pha khat a kahaotak a kaje sik hei khana anhong inṭhang pha leh ankarōi rakip hmumak jo hei ning.

²⁰Sōkphutrōia tui ahong kalen kapōa ṭitna khan asuktō sik hei jân a thli khan asêm mantlen sik hei;

²¹nisōtinga thli khan an-ina inphut asêm mantlen sik hei;

²²anmani tlânsōt rih tia an-intlukdek pha khava khan lungset kasea anchunga asem mathlâk sik hei.

²³Antlânlai thlipui in anhnong sik hei, amanhmang torna rathahrat in amaṭhit sik hei.