Read Komrem JOB 29 Bible Online

JOB 29 - Komrem bible

JOB 29

¹Job in vōi khat ahei hri nôk:

²Kahnenga ahei pek male nôk sik enga, Pathen in a-enlai enga kanihei kha vōi khat ahong nôk inchu.

³Khava pha khan Pathen in aleithlop eng, a’nthim kâra kalônlai ama’n vâr apek eng.

⁴Khava pha khan pui katluk a ka-om eng, Pathen in ahrung jâr enga ka-inna khōdeng theina leiom mak.

⁵Akahrat Pathen khan kei aleithlop eng, Kasa he’n kakimvea kasip tlit a ankatōm eng.

⁶Sehrat pui leh kepui he’n sene kasip a anpek eng. Hlungsai rōk kâra achang inum olive theikung kakek hei.

⁷Khōpuia upahei intûpna heia kei um Inkhat a antei eng.

⁸Kei annihmu pha leh naipang he’n anpesōt eng, Upahe’n kangirsōt heia akajana anmalâr eng.

⁹Hlamkakei he’n anhmu pha eng leh ṭong anta leihri kha leikahai sik hei.

¹⁰Akalenpen mihei kapha’num kei annihmu pha leh sip tia ka-om hei.

¹¹Kei ani kahmu achangmak leh kei ṭong kathei Mi he’num kei ṭōntlo ṭōn kaṭha hei chungchânga thuhming anhri ri.

¹²Sara he’n annider pha ke’n kabôm hei. Sena hongna inhret mak, anu-apa ka-om mak hei hneng inthōpuina kapek ri hei.

¹³Khōdengthei in akasip jo mi he’num kei anmanpâk eng. Hmeithai hei kaṭha an-omna sik ke’n kabôm hei.

¹⁴Ke’n ahei tik a’m akadik mak tlomak eng.

¹⁵Kei hmitkachohei hmit eng kae, Ke katlek hei ke eng kae.

¹⁶Sarahei pa-eng kae. Khōhmehei ṭhōn eng kae.

¹⁷Mikaṭhamak-hei rathahrat kha kasuk khōia Anmani’n anlei manrimna heia inphut kahuk hei.

¹⁸Kei kahringkhōsei kamansôt hnōm, Ka-inna kahōitak a kathi hnōm eng.

¹⁹Kei hi thingkung rajung, tui kahmu ṭhak, Radaitui in abō amanchor ṭhak, abâk kapō eng kha leikachang eng.

²⁰Mi rakip in anleimanpâk eng, Karatha neina leitlâksam mak.

²¹Ke’n ṭong kahri pha mihe’n sip tia anleirangei, Katahri hei kha malung kahlut a anleirangei.

²²Kaṭong hri heia abân hrisana sik leiom mak. Kaṭong hri hei khōtui kapō leikachang.

²³Mi rakip in kaṭong anleirangei hnōm, Khavakha hlei kathlō he’n khōtui antahngâk kapōa leikachang.

²⁴Anmani taksenna annei mak pha leh ke’n anmalung kamathok pek heia, Kamanthok pekna khan anmalung katlai hei.

²⁵Ke’n anmani sik ṭong chaina katlo pek hei, Rn in rea remihei aṭhōia ase kapōhrep a, ke’n anmani hlamkakeihei. Anmani’n khōdengthei antlâk pha ke’n kamanhōi hei.