Read Komrem JOB 3 Bible Online

JOB 3 - Komrem bible

JOB 3

¹Achaina, sip antina kha Job in aheisuk khōia, ama intetna kani kha alei hâksêr jo.

²Eh Pathen, kei intetna kani kha hâksêr roh; kei anivon manphutna jân kha hâksêr roh.

⁴Pathen, khava kani kha inthimna manchang roh. Khava kanikhō kha avea mandonsōt changmak jo rasoh; avea vâr in sat nôk hêrmak jo rasoh.

⁵Inrimna leh a’nthimpak kania syem jo roh: sumphai vâng makhu inna kani mansat mak jo roh.

⁶Kum a inphut khava jân kha losōt roh. khana avea teina invei hêrmak jo rasoh;

⁷akarōksai leh inpâkna kase jân manchang roh.

⁸Hmitphedôi kachoi he’n khava ning kha anhâkserna sik hripek hei roh, khava Leviathan khâmna inhret hei hnenga khan.

⁹Jîngkâr vârpa ârsi kha manvâr mak roh; khava jân a jîngkâr hmuna sik a inhōrna man om mak roh.

¹⁰Khava jân kha kei matetna achang jâra, khōdeng theina leh inrimna shunga anikeisōt eng jâra, hâksêr roh.

¹¹Kanu nairabu shunga kalei thi’nchu, achangmak leh ka’ntet lim leh kalei thi’nchu tia kamadu.

¹²Heisik a mo kanu’n amarkhup chunga apom eng? heijâra mo anetui vâng aleivei eng?

¹³Khava lai khan kalei thi’nchu, tunhin inhnga sik jo eng,

¹⁴tenlaia reng-innpui avea akasak hei leh vaikarônhei kapōa kajea ka-om sik jo eng.

¹⁵Khava sōa an-innhei kha sana dangka kasip a akada hei rengsahei kapōa kaje sik eng,

¹⁶khana ala’ntet mak naidông kapōa kaje sik jo eng.

¹⁷Thlân shunga mikaṭhamak-hei kha anṭhatmak tlona kha kabâng hei, ṭōn katloa akachâm hei khan achaina châm inhngatna kha annei.

¹⁸Kurkhum mihei kapha’m mōngna anhmu, kare inrek leh rahe kase ṭongpekna inphut masō kachang hei.

¹⁹Khana khan mi rakip, mi inthang leh mi inthangmak ka-om hei, khana sōk he’m achaina chu masō kachang hei.

²⁰Heisik a mo mihei hi khōdeng katheitak a khanga namanhring hei? Malung inreng hei kha heisik a mo vâr napek ri hei?

²¹Anmani’n thina sik a anhngâk a kae, tâk-kha khavakha hongdek mak; anmani’n nei leh hao kanek a thina anmadu jôk a kae.

²²Anthia anvûm mak hei kârseng anmani hōithei mak hei.

²³Pathen in hnunga anhringkhō sik kha athup a ada, khana anhlam rakip akhâr pek heia kae.

²⁴Thlai sâk sik kanek a, ṭajai kasui jo khana ka’nkōina hi bâng tor mak jo eng.

²⁵Ke’n kaṭit leh ka’nrimna rakip heikasōk jo hei.

²⁶Kei mōngna neimak eng, châmhngatna om mak, ka’nrengna hi a’nchai tik om mak.