Read Komrem JOB 30 Bible Online

JOB 30 - Komrem bible

JOB 30

¹Tâk-kha kei kanek a kum katam mak mihe’n anmanuisō jo eng! Anpahei kha ahei tik a hnemna kase hei kae, khava jâra ankemōng khemna ka-uihei manṭhōi mak hei ning.

²Anmani kha akaṭōiber rup jo hei kae, kei ṭōn katlo sik a katlasam rei jo hei.

³Anmani kha saraberhei kae, khana anvon ṭâm jâra dahlona ka-om hmun ramhâng heia jân a thing rajung kachâr hei kha’m ansâk heia kae.

⁴Nêrdiram a thing hei anphoi heia ansâk hei, atuije ka-om mak hmunther rajunghei kapha!

⁵Mi rakip in an-ôngsan heia anhnong hei inruhei anta-ôngsan hei kapōa.

⁶Anmani hlungkōk a aka-om sik kasōk jo hei hlungkare sira akhur kave heia khan.

⁷Ramhânga shahei kapōa kapeng hei, rahlingbuk thōia intûp a ka-om hei.

⁸Hnemna kase, rahming kase, tûte aka-emak hei kha kae! Anmani ram a inphut anhnongsōt heia kae.

⁹Tûn anmani kahong heia anmanuisō eng; kei hi anmani sem manlona hrep tei loa heite changmak jo eng.

¹⁰Anmani’n mater tak a antlo eng, anmani hi kei kanek a akaṭha hêra indon hei, khana kahong heia kahmaia kapha anmachi thlōn eng.

¹¹Ajârchu Pathen in mi katlasam leh inthōpui kase amanchang jo eng, anhnuknat jâra kei anidōi jo eng.

¹²Hiva mipui he’n anbuhlu enga kahong hei, katlân pum a anitirsōt eng; achaina vōk sik a intluk hei.

¹³Anmani’n kei tlânsōtna hlam anikhar khana manhmangna sik antlo eng. Anmani kakhâm sik a tûte om mak hei.

¹⁴Ka’nthupna akhur kave heia heikahlut hei kachunga hlung anhei hlonpuma kahong hei;

¹⁵ṭitna khan akatōm sō eng; kachunga kajana kha thli kapōa inhmang jo, kakarōi seng sumtuk kapōa kajōng jo.

¹⁶Tûnchu kei thi rong kati jo; kei châmna hi atlangna sik om mak jo.

¹⁷Jân a karu hei hi anichip ri eng; khana kanatna hei hi bângdek mak.

¹⁸Pathen in kazakkō hrak a asur eng kapōn kha amahera akei mankinpet a kae.

¹⁹Ama’n bunthlōk kâra ahlon eng; bunthlōk kanek a ṭhadet mak jo eng.

²⁰Eh Pathen, ke’n kabek che, tâk-kha amasôn hêrmak che; ke’n kader che pha, adonpek mak che.

²¹Nang in êng kasetak a nanitlo eng; naratha hratna rakip vâng nasuk manrim eng.

²²Thli namansem mantlen eng; thlipui inhnak kâra nasuk malet eng.

²³Nang in thina khan naṭhōi jo eng kae ti hi kamanhret jo, khava mi rakip sik a mahâmsetna shunga khan.

²⁴Anhmangsa pase inkhat kha heisik a mo nabuhlu heite tlo theilo jo, lungsetna kader hreppa kha?

²⁵Mi inrenghei ṭappui mak hei eng mo khana akaneimak sik a châmpui mak hei enga mo?

²⁶Ke’n akahōi leh vâr sik a inhōrna kanei, tâk-kha khava kanek a inrengna leh inthimna kha kahonga kae.

²⁷Lung dongna leh natna’n akeiṭhen jo eng; kani inkhat bâna inkhat inrengna kha kachen chet-chet jo.

²⁸Kachâmtak a kalônle eng, kanisat heite hmuloa; mipui kâra kangir enga inthōpuina sik kader hei.

²⁹Ram-ui leh vakalen ostrich hei ka-ông rasa kapōa kakare hi khōdeng theina leh binga kare rasa kha kae.

³⁰Kavun hi kadup pet jo; khana hritlun in amankângsō jo eng.

³¹Pha khat a hla kahōi sakna kalei thei, tûnchu miṭap rasa leh ṭajai suina rōk kathei jo.