Read Komrem JOB 35 Bible Online

JOB 35 - Komrem bible

JOB 35

¹Job, nang in Pathen hmit-hmua ṭhenakase eng kae nati hi nang sik a akadik changmak ning,

³achangmak leh Pathen hneng, “Kei setna’n heikhonga mo atôn che? Setna tlomakna khan heimo kahnempui?” nati hi dikmak ning.

⁴Ke’n nang leh naṭhōn he’m kamasôn sik chei.

⁵Chungvân ting enroh! Heituk a a’nshâng sumtuk-hei mo enroh!

⁶Nang in setna natlo’nchu, Pathen sik a asetna omdek mak. Nang in sukṭhena katamtak nanei inum, ahnenga atônna aka-om sik mo?

⁷Nang nadik hêrna khan Pathen na’nthōpui mo kae? Nanga inphut Pathen in arangei heite om mak.

⁸Nasetna inphut mi ralak-hei kha inrengna anchen khana akaṭha natlona khan a’nthōpui heia kae.

⁹Mihringhei suk manrimna ande pha, inkōi hei; ankahuk sik a mi anbek hei.

¹⁰Tâk-kha anmani kasyempa Pathen hnenga chu he’nle mak hei, khava anmalung jînglaia inhōrna ankapekpa hnenga.

¹¹Nihnenga singna anikapek, Pathen hnenga anmani he’nle mak hei, sha leh vahei kanek a singna anikapek ama hnenga.

¹²Inṭhōipuina sik a kapeng hei, tâk Pathen in masôn mak hei, ajârchu anmani inlensak hei khana ṭhamak heia kae.

¹³Anmani ôngna kha ahnemna om mak; Chunghnung Pathen khan hmumak hei, theipek mak hei.

¹⁴Job, nang in Pathen kha hmutor mak eng nati; tâk-kha hngâk-hla hêrloa om roh, naṭong kha akut chunga ka-om jo.

¹⁵Pathen in karâkna pek mak ning setna chunga heite donna neimak tia namandon.

¹⁶Nang in ṭong nahri manjōm ṭhak kha hnemmak ning; naṭong hri kha nang in manhret mak che ti kha inchên joa kae.