Read Komrem JOB 4 Bible Online

JOB 4 - Komrem bible

JOB 4

¹Job, ke’n ṭong kahri ine nahōt sik mo? sip katia om tor mak jo eng.

³Nang in mi katamtak namanthei hei kut kadôp naman-ngar pek hei.

⁴Mi inkhat a-inpai inthlûk a atlâksam a, ale hêr jo pha, naṭong khan angir torna sik mathokna apek.

⁵Tûnchu khōdengthei sik hi nang chen hong kae jo, adena sik hlam kha ahrije manhret lotak kachang jo che.

⁶Nang in Pathen nakamuk, nahringkhō masetna om mak; khava jâra intaksenna leh inhōrna nanei sik.

⁷Tûn omchen kasōksa hei kha mandon roh. Mikadik inkhat in khōdeng theina aratō omchen inkhat lim hrisōt roh.

⁸Mihe’n hlei kaṭhamak anthlō leh malung kadikmak hmuchi kavor kahmu hei; tûnchu khahei khan malung kadikmak leh ṭhatmak kha anlōk a kae.

⁹Thlipui khōpui kapōa Pathen in ahnuknat a asukmanram hei.

¹⁰Malung kadikmak hei khan shabakkai kapōa ka-ông heia inhrung hei, tâk-kha Pathen in amandai hnger hei khana anha asuk mathlek pek hei.

¹¹That sik leh sâk sik heite kahmu mak shabakkaihei kapōa anmani kathihei, khana ansahei ankhenga inchek hei.

¹²Vōi khat kadai nenga ṭong hong katlung, adai rei jâra kaṭha leithei mak eng.

¹³Jâna rahmangset kapōa amanje theimak.

¹⁴Kei innok enga inthing eng; kataksa akhenga ṭitna’n innok jo eng.

¹⁵Thli kadaijen in kahmaia ahei sêm, khana kaṭi enga kasam hongkangir hei.

¹⁶Khana khan heimo inkhat akangir kahmu; ke’n inlaktak a ka-en, tâk heimo ti hri tor mak eng. Khava pha adai hngerna shunga rasa inkhat kathei:

¹⁷“Pathen hmit-hmua mi inkhat in akadiktor, achangmak leh akasyempa hmaikunga a’ntheng tu mo aka-om sik?

¹⁸Pathen in marvâna asōk-hei taksen mak hei; ama’n angevahei kapha’m anṭhena ahmua kae.

¹⁹Ama’n matlak a ansyem mi hi, phulep kapōa mannōi thei vaiphina ansyem neinâk hi ataksentor sik tia namandon mo?

²⁰Tu mo inkhat hi jîngkâra kahringa ka-om thei, tâk khōhlei atlung mak hma kathi theia kae.

²¹Anei rakip kha inlosōt jo; ama kathi jo, khava katlunga’m singna chu pui tlukmak a kae.”