Read Komrem JOB 40 Bible Online

JOB 40 - Komrem bible

JOB 40

¹Job, nang in Akahratpen Pathen kha na’nrepuia kae; tûn akahai sik jo che mo, a-emak leh naramasôn sik mo?

³RŌNGPU, ke’n kamotak a kaleihri jo. Heidôm mo kamasôntor sik che? Heite hri sik a intluk mak jo ning.

⁵Kahri mak sik ṭong hingja kahri jo.

⁶Thlisip kâra RŌNGPU’n Job hneng vōi khat ahei hri nôk.

⁷Tûnchu intlunhrek a ngir roh, kaṭongder che eimasôn roh.

⁸Kei hi akadik mak inkhat a hrimanchên sik a, kei hin akadik mak manchanga nang in akadik inchangsakna sik a ala’ntluk che mo?

⁹Nang kei kapōa akahrat che mo? Nakare kha kei rasa kapōa a’ntlir tor mo?

¹⁰Kha achang inchu, nang kajana leh inlensakna nachenna vânga khan inding roh; kalûr leh kalentak a naret kha invon jo roh.

¹¹A’nlensak hei kha en hei roh; nahnuk natna kha heisun mathlâk ina anmani kha mansinsak hei roh.

¹²Ôk, en hei inna nam mathlâk hei roh; mikaṭhamak-hei kha anngirna hmun a vōk mathlûk hei roh.

¹³Ankhenga ralei thōia vûm hei roh; kathi khōa khit hei roh.

¹⁴Kha achang inchu nang manpâkna akapek ahma kakeipen kha kei kachang sik eng. nang in re nator jo tia kahnōm sik eng.

¹⁵Khōhripa Behemoth kha enroh; Ke’n ama leh nang kasyem chei kae. Ama’n sehrat kapōa phi asâk,

¹⁶tâk-kha ama taksa khan heiratha mo anei, atak ravōia khan hei rahnak mo anei!

¹⁷Arahmei kha cedar thing kapōa amanngir, akea aravōi hrui hei kha kangar hei.

¹⁸Aru hei kha sum-êng kapōa kangar hei, ake hei kha thirtlōn kapōa ka-ang hei.

¹⁹Kei tasyem ranhei kâra a’nlakpen inkhat kae! Akasyempa rōk khan ama kha atora kae.

²⁰Ama inveina phi kha ramshahei indeina hmebung heia kakek hei.

²¹Rahling chap buk kâra ama kha kaje tui indapna huisum kâra ama kha inthup a kae.

²²Kavadung panga rahlingbuk leh mahre hei khan anhnōia ama in-ungna kha anpek a kae.

²³Tuidung in inhnaktak a atlân kha ama’n ṭitmak, Jordan tui in ahmaia akaben kha heite donmak a kae.

²⁴Tu’n mo ahmit anmanchoa ama kha asur tor sik? khana châng akama ahnara akhit tor sik?