Read Komrem JOB 5 Bible Online

JOB 5 - Komrem bible

JOB 5

¹Job, mi bek hei roh. Tu mo inkhat in amasôn che mo enroh. Nabêrthei marvân ngeva tu mo aka-om?

²Nang in nanphena leh thinathei katlunga nachâmna kha mandonna kase, mikamo ṭōn kachang sik.

³Mikamohei inhukna kajong kahmu hei, tâk-kha an-ina manhret manloa hâksêrna kapek hei.

⁴Ansahei kha ahei tik a’m inhukna nei tor mak hei; ṭong tanna shunga anmani hukna sik a akangir mi om mak hei.

⁵Von kaṭâm he’n mikamohei hmuchi ansâk sik, rahling kâra akahmông kara kapha’m, tui kahre he’n anei ahao chunga anthang kase sik.

⁶Akaṭhamak inti hi raleia hmông mak, khana khōdengthei hi raleia inphut ahong kakek changdek mak.

⁷Changphung mak! Mihring he’n anbibinga anta heirônsōt kae, hmeia inphut hmeidi ahei jōngsōt kapō kha kae.

⁸Kei hin nang kaleichang inchu, Pathen hneng kaleihnget a ahnenga kaṭong hi kahrisōt sik jo.

⁹Ama’n ṭōn kalen atlo hei kha eini’n manhret tor mak me, khana ama ṭōn inlak-hei kha bângtik om mak.

¹⁰Raleichunga ama’n khō amansûr, hleiheia tui amanlōng.

¹¹Ôk, a’nsinsak hei indom inshâng kha Pathen kae khana ṭajai kasui hei inpâkna kape kha ama kae.

¹²Lungthim kaṭhamak-hei ṭōnmantluk asuk malet pek hei, mikasinghei kha anṭōn mantluk kalena khan aman-ôk hei, anṭōntlo kha hnemna kase amanchang pek hei;

¹⁴sûnṭim laitak um inthimna kapōa inhmak hei.

¹⁵Tâk-kha Pathen in sarahei kha thina inphut ahuk hei; sâk kaneimak hei kha suk manrimna inphut ahuk hei.

¹⁶Sarahei hneng inhōrna apek hei, mikaṭhamak-hei kha amandai hnger hei.

¹⁷Pathen in amandik mi kha amahâm kaṭha! Ama’n arasei che pha, theikada mak roh.

¹⁸Pathen in amantônna bihei kha akatōm hei; ama kut in amantôn, khana ama kut in amandam.

¹⁹Apha-pha a inhmangna inphut ahuk sik che;

²⁰ṭâmpui asōk pha, ama’n amanhring sik che, re shunga thina inphut ahuk sik che.

²¹Malei kasei heia inphut, Pathen in ahuk sik che; insuksetna ahong pha ahuk sik che.

²²Nang in inhângna leh vonṭâm chunga khan namanui sik khana ramshahei ṭitmak jo hei tin.

²³Nahlei khōina khan hlung om mak ning, ramsha he’n abuhlu hêrmak hei tin.

²⁴Khava sōa napōn-inna kamōnga ka-om sik jo che; nakemōnghei kha na-en hei pha, inhrungtak a anka-om kha nahmu sik hei.

²⁵Ramhânga phidông kakek kapōa nasa katamtak nanei sik hei.

²⁶A-ât pha katlunga akahmin sabor kapōa, nang hi kum katamtak kahring sik che.

²⁷Job, hivahi phat kasôttak kanjōng sō leh kanta manhret kae. Hivahi akadik kae, khava jâra tûnchu hnōm roh.