Read Komrem JOB 7 Bible Online

JOB 7 - Komrem bible

JOB 7

¹Mihring hringkhō hichu rumhrat a ṭōn mantlo remihei kapō kae? taksa ṭōn rahnak a akatlo hringkhō kapō kae,

²sōk he’n daihlim antarangei kapō kha kae; ṭōnkatlo he’n anṭōn tloman antahngâk kapō kha kae.

³Thla khat sō leh thla khat kahringna sik a ajâr heite neimak eng. jân khat sō leh jân khat in inrengna amannei eng.

⁴Ke’n akaje sik a ka-inthlōng pha, pha khachu kase injôn ri; Ke’n jân kathang inngui eng khana jîngkâr kahngâk hla.

⁵Kataksa hi rahlung kasip sō; apâtna bi’n akatōm sō; a’nthlingna khana inphut ahnai heikasōk a kae.

⁶Kahringkhō hi inhōrna kasea kathleng jo, pōn kakhông hei khothleng kanek a inrangdet a kathleng.

⁷Eh Pathen, kahringkhō hi kaphuk sân inkhat rōk kae ti hi mandon roh; kei hōina kha katlangsō jo.

⁸Tûnhin nahmu eng, tâk-kha vōi khat ahmu hêrmak jo tin che. Nang in nani jong inum kei chu leiom mak jo ning.

⁹Sumphai jâmsōa aka-om mak jo kapōa, mihring hi kathia hong inle hêrmak; anmani inhret rakip he’n anmahngi ri hei.

¹¹Changmak! Kei sip titor mak ning! Kei kahnuk kana jo khana kathisen kake jo. Ṭong kahri sik jo.

¹²Heisik a mo kei hi hrungna thōia nada eng? Kei hi tuipui khōhri inkhat a namandon eng mo?

¹³Kei inthlong enga châm inhngatna sik a kajong: kanat damna sik a kajong.

¹⁴Tâk-kha nang in, karahmang heia ṭitna napek eng; hmangtalâr leh rahmang setna nahei tir hei

¹⁵hiva inrengna taksa om sik kanek a, amak hma kei in-ôk hlon hnōm eng.

¹⁶Ka’nhōrna kamasō jo! Kei akahring hi kachâm jo eng. Kabinga adahlon jo ruh. Kahringkhō hi hnemna kase jo kae.

¹⁷Mihringhei hi heisik a mo kakhôktak a lum nalo hei? Anmani tlona heia heisik a mo namalung namanhlut pek hei?

¹⁸Nang in jîngkâr katai na-en ṭhak hei, hmitkhap kataia na-enmansin hei.

¹⁹Kamachitui madena sik bek a, pha bongkhat lim chu amasō mak tin che mo?

²⁰Kei ani kakhumpa, kasetna’n nang amantôn jo che mo? Heisik a mo kei hi inrepui inkhat a naman chang eng? Kei hi naphur rôn kahriktak akachang jo eng mo?

²¹Kasetna hi narangei mandam tor hêrmak eng mo? Kalei tloṭhena kha narangei mandam tor hêrmak eng mo? Kei inranga kathlân khura ka-om sik jo eng, khana nang in nahei jong eng pha chu kei leiom mak jo ning.