Read Komrem JOB 8 Bible Online

JOB 8 - Komrem bible

JOB 8

¹Thli kapō naṭong hri kha nachai jo mo?

³Pathen in akadik kha maher phungmak; akadik tlo sik kha tlo loa omphung mak.

⁴Nasa he’n Pathen kadōia setna anleitlo sik, khava jâra ama’n anrahōi hrep a karâkna apek hei.

⁵Tâk-kha tûnchu inhe inna Chunghnung Pathen hneng inder roh;

⁶nang in ṭhenakase leh malung intheng nachang inchu Pathen kahong sik khana a’nthōpui sik che, khana nang manpâk manna na-innshung kha asyem male pek sik che.

⁷Pathen in apek nôk sik che kha leh nitekâk a naran inhmanghei kha heite changmak ninga kae.

⁸Tenlaia mihring singna kha vōi khat lim en kaṭha roh; nipu-nipa he’n ale’nchu hei akadik kha mandon roh.

⁹Nihringkhō hi kabong, eini’n heite manhret mak me; raleichunga rahle kapōa eini’m kathleng ri me.

¹⁰Tâk-kha tenlaia mikasing he’n manthei hei che rasoh; anmani’n heimo antahri sik kha rangei roh.

¹¹“Tui om makna pengkung hei kektor mak; khahei kha ralei indap makna inhmu mak hei.

¹²Tui achâr jo’nchu, ahma inkeia khahei kha, tuktanna hmang sik anlasintek jâra invōi bât hei.

¹³Pathen inhret mak hei kha khava peng kapō hei kae; vōi khat Pathen anmahngi jo’nchu an-inhōrna kha katlangsō jo.

¹⁴Anmani’n maimôm chângpet kha antaksen.

¹⁵Chângpet a khan anva in-ngai inchu khava khan asur manhnet sik hei mo? Anmani’n pat hruia anva matu’n chu khava khan amanngir tor sik hei mo?”

¹⁶Mikaṭhamak-hei khachu kanisat a phi kapōa heikasōksōt hei, rahōn shung akhenga akasiptak phi kapō hei kha kae.

¹⁷Anmani rajung chu hlung kâra anṭhō khana hlung kalen rakip a ansur manhnet heia kae.

¹⁸Tâk-kha khava sōa anphoisōt jo hei — khana khan leika-om hei ti kha tûte’n manhret mak hei.

¹⁹Kadik, mikaṭhamak-hei hōina chu khava kapō kha kae; mihlop kahong heia anhmun kha anhlō pek heia kae.

²⁰Tâk-kha Pathen ṭong kajuihei khachu ahei tik a masō mak hei ning, achangmak leh ama’n mikaṭhamak kha inthōpui mak hei ning.

²¹Ama’n nang alamannui chea inpâk a alaman-ông sik che,

²²tâk-kha nang kahōt hei chunga khan chu hmaimôkna amannei sik hei, khana mikaṭhamak-hei inn kha lakaram sik heia kae.