Read Komrem JOB 9 Bible Online

JOB 9 - Komrem bible

JOB 9

¹Kadik, khahei rakip kha hma khan kalei thei jo hei. Tâk-kha heikhong mo mi inkhat in Pathen inherpuina kha ator thei sik?

³Heikhonga mo mi inkhat in ama kha amakhe tor sik? Ama’n ṭong lishing khat ader tor khavakha tûte’n masôn tor mak ning.

⁴Pathen chu hingtuk hrep kasing khana aratha kahrat, tûte’n ama dōina ngir tor mak ning.

⁵Ṭong mantheina neiloa chingbung athonsōt hei, ahnuknat a asuk manhmang hei.

⁶Pathen in lingnu ajōngtir khana ralei amannok; Ama’n ralei inngamna kacho kha akanok heia kae.

⁷Ama’n kani ahong sōk sik a inphut akhâmtor, khana jân a ârsihei anvâr sik kha akhâmtor hei.

⁸Marvân pheng hei mazerna sik a tûte’n Pathen kha inthōpui mak khana tuipui shunga khōhri kha tûte’n akhōn chōn rachi mak.

⁹Pathen in bōirōk a ârsi rup-hei amakhei hei - Si-karup hei, Orion, Pleiad khana thlang tinga ârsihei.

¹⁰Ama’n ṭōn kalen tatak atlo hei hi eini’n manhret tor mak me, aṭōn inlak tlohei hi abângna om mak a kae.

¹¹Kahnenga Pathen kalônle, tâk ke’n hmutor mak eng.

¹²Ama’n amadu kha alo, tûte’n khâmtor mak, “Heimo natlo?” tia tûte’n der ngammak.

¹³Pathen hnuknat chu ka-om ṭhak. Ama inrepuihei kha asuk manhmang hei Rahab inthōpui, tuipui khōhri, ama inrepuihei kha.

¹⁴Khava jâra Pathen masônna sik ṭong heikhong mo kanei tor sik?

¹⁵Kei hi ṭhena kaneimak kachang inum, kei tatlo tor khachu kaṭong katan Pathen hnenga khan, alungsetna sik eng akader hrep kha kae.

¹⁶Khava katlunga khan ṭong amanhri eng inchu, kaṭong hri kha arangei pek sik eng tia ke’n taksen tor mak eng.

¹⁷Ajâr heite omloa ama’n thlipui ajōng tira kei amansuk eng khana amanhnur enga kae.

¹⁸Ama’n kaphuk amansân mak; kahringkhō hi akahōi mak in amansip pek eng.

¹⁹Rumhratna kahmang sik mo? Pathen chunga rathahrat kahmang sik mo? Karôt a kaṭhōi sik mo? Tu’n mo ama amanhong tor sik?

²⁰Kei taksenthei ṭhenakase eng kae, tâk-kha kabeisō chu ṭhena ahrisōt, khana kahri seng hin kabinga maset a’npek eng ka-ang.

²¹Kei ṭhenakase eng kae, tâk heite’m donmak jo eng. kei hring hnōm mak jo eng; Heite rōi om mak jo; ṭhenakase achanga akaṭhe achanga, Pathen in asuk manhmang sik me.

²³Ṭhenakase khan manhret manloa athi’nchu, Pathen in amanui.

²⁴Pathen in mikaṭhamak-hei hneng raleichung hi apek. Ama’n ṭongkatanhei seng anhmit amanchô pek hei. Khana Pathen in khavakha atlo achangmak achang inchu tu’n hmen atlo jo?

²⁵Kei kanikhō hei hi inranga kathleng, ni khatbek um akaṭha om mak.

²⁶Kahringkhō hi rakōng kavirpen kapōa inranga kathleng Marhmu in thepa chunga ajōng inkho kapōa inrang.

²⁷Nat dehla mahngina sik kareia kamanui jut ravâng, ka-inrengna hei seng kha he’nle nôk heia anmaṭhit eng; Pathen in kei hi akaṭhe inkhat a alo eng ti hi kamanhret.

²⁹Kei hi akaṭhe akachang jo eng khan-e heisik a mo anla’nrim sik eng?

³⁰Kasetna hei hi Sâbon in sôp mantheng tor mak jo ning.

³¹Akabōk khur kōk a Pathen in ahlon mathlâk eng, kapōnsi hei kapha’num ani’nzak pui jo eng.

³²Pathen hi mihring aleichang inchu, ke’n kalei masôn tor sik; kan-in nâkna ṭong tanna sik a karôt a leikase thei sik ung.

³³Tâk-kha kankâra kut heikathōn sik tûte om mak; Pathen leh kei ṭong katan sik tûte om mak a kae.

³⁴Pathen, karâkna napek eng hi bâng roh! naman pirna eng kha bâng jo roh!

³⁵Kei ṭimak eng. Kei lakaṭong sik eng, ajârchu ke’n kalungri hi kamanhret.