Read Komrem HLAHEI 101 Bible Online

HLAHEI 101 - Komrem bible

HLAHEI 101

¹Kahlasak hi ṭongjui leh ṭongdik chunga phōna kae, khana hivahi nahnenga kahong sak kae, O RŌNGPU.

²Ka-omchen hi ṭhenakase kachang sik eng. Heitik mo kahnenga akahong sik che? Ka-inna hringkhō inthengtak a ka-om sik eng;

³akaṭhamak kha en-hnâmhêr mak ning. Pathena inphut a’nhesōt jo hei inhling inkâi kha kahōt; anmani leh chen heite neisap mak ning.

⁴Malung intheng mak changmak ning, khana akaṭhamak leh inmatna neimak ning.

⁵Mi inkhat ṭhatmak chunga hrimasetna kanei tu mo inkhat a inphut katlânsōt sik eng. Mi inlensak leh racham kasehei kha en-hnâm mak hei ning.

⁶Pathena taksenthei kachang hei kha kahnōm sik hei, khana kakhōpuia kaman om sik hei. Pui katluk a malung intheng hei kha, kei inzen sik a kahnōm pek sik hei.

⁷Malei kasei tûte inkhat kakhōpuia om mak ning; a’nhri inṭhat mi tûte inkhat kahmai kunga omsôt mak ning.

⁸Niram shunga akaṭhamak-hei kha ni khat ni khat a kasuk manram sik hei. Mikaṭhamak rakip hei kha RŌNGPU khōpuia inphut kahnong sōt sik hei.