Read Komrem HLAHEI 112 Bible Online

HLAHEI 112 - Komrem bible

HLAHEI 112

¹RŌNGPU kha choi ka-ân ruh! RŌNGPU kajana kapek hei kha mikahōihei kae; aṭongpek juia akatlâi hei kha kahōihei.

²Mikaṭhapa sahei kha ram shunga hin akahratpen kachang sik hei, ama sōn leh pârhei kha mahâmṭhat anchen sik.

³Ama innshung kha akanei leh akahao khana are-rea kakhang ṭhak sik.

⁴Lungset leh maritna kaneihei sik a a’nthim shunga khan mikaṭhahei sik vâr kha jōng kavâr.

⁵Pek sōtna malung kalenhei leh anṭōntlo chunga malung intheng hei kha mikahōihei kae.

⁶Mikaṭha khachu tlâksam hêrmak ning; ahei tik a mandonṭhak a ka-om sik.

⁷Ṭongse thei sik kha ama’n heite ṭitna neimak; ataksenna kangar, RŌNGPU ataksen.

⁸Amalung dongna leh ṭitna’m neimak; a’nrepuihei katlu kha ahmu nger sik tia inhōrna anei.

⁹Sarahei kha malung kalentak a apek hei, khana alungsetna kha tlâksam hêrmak; ama kha ratha anei sik khana kajana achen sik.

¹⁰Mikaṭhamak he’n hivahi anhmu pha anhnuk kana; anha ankarôt khana anhme inhmu mak jo hei; an-inhōrna hei kha area sik a katlang jo.