Read Komrem HLAHEI 115 Bible Online

HLAHEI 115 - Komrem bible

HLAHEI 115

¹O RŌNGPU, nalungset inthlengmak leh taksenthei nachang jâra nang hnenga, nang hneng rōk a lûrna kha pek sik che kae, keini hnenga changmak.

²“Khon mo nan-Pathen aka-om?” tia jât he’n heisa mo antader sik ung.

³Kan-Pathen marvâna ka-om; ama’n amadu seng kha atlo.

⁴Anmani Pathen chu dangka leh sana vâng mihring kut a ansyem hei.

⁵Bei annei, tâk ṭongthei mak hei, khana hmit annei, tâk hmuthei mak hei.

⁶Anmani’n kōr annei, tâk rangeithei mak hei, hnâr annei, tâk marimthei mak hei.

⁷Anmani’n kut annei, tâk heite sitthei mak hei, khana ke annei, tâk lôntor mak hei, anmani rasa nei tor mak hei.

⁸Khava lim kasyema akataksen rakip hei kha antasyem lim kha ang jo hei rasoh.

⁹Israel mihei RŌNGPU kha taksen ruh. Ama’n a’nthōpui chei khana ahrung chei.

¹⁰Nangni Pathen thempuhei, RŌNGPU kha taksen ruh. Ama’n a’nthōpui chei khana asan chei.

¹¹Ama kaṭit rakip in, RŌNGPU kha taksen ruh. Ama’n a’nthōpui chei khana ahrung chei.

¹²RŌNGPU’n amandonsōt sik me khana vâng apek sik me; ama’n Israel mihei leh thempu rakip vâng apek sik hei.

¹³Ama kajana kapek rakip, akasin akalen in-anghrep a vâng apek sik hei.

¹⁴Nangni leh nansōn nanpâr hei RŌNGPU’n tu leh sa pek chei rasoh.

¹⁵Marvân leh ralei kasyem RŌNGPU’n, vâng pek chei rasoh.

¹⁶Marvân kha RŌNGPU ama rōk ta kae, tâk ralei kha mihring apek hei.

¹⁷Daihngerna ram a akase tu mo inkhat in, akathihei khan RŌNGPU kha manpâk mak hei.

¹⁸Tâk-kha akahring eini’nchu, ama nimanpâk sik tun um ahei tik a’m. RŌNGPU kha choi ka-ân ruh.