Read Komrem HLAHEI 12 Bible Online

HLAHEI 12 - Komrem bible

HLAHEI 12

¹A’nthōpui roh, RŌNGPU! Mikaṭha inkhatbek om mak jo; khana malung intheng inkhatbek inhmu tor mak jo.

²Ankhenga inkhat leh inkhat maleisei inhrina hei; khana hmûrthem vâng khat leh khat inhōn hei.

³Khava hmûr kathemhei kha sip manti hei roh, O RŌNGPU! Khana khava mi’nlensak hei bei kha hippek hei roh.

⁴Anmani’n anti, “Kantamadu kha kanṭong hri them vânga kanchen. Kantahri hnō-hnōm kanhri sik, tûte’n akhâmtor mak hei ning.”

⁵RŌNGPU’n ati, “Tâk-kha, tûn kei kajōng sik eng ajârchu akatlasam hei kha ansuk manrim jo hei tlo manrima aka-om hei annat ande hla a inkōi jo hei. Antarangei inhrungna kha kapek sik jo hei.”

⁶RŌNGPU intepna kha taksenthei kae; dangka intheng kapōa inthengkhet, ve sari sêmphu hmeia a’nro intheng kapō kha kae.

⁷Hmun rakip a mikaṭhamak ka-om hei, khana akaṭhamak kha mi rakip in anhri manṭhat. Ahei tik a inhuk a ada roh, O RŌNGPU, khana khava miheia inphut ada kaṭha roh.