Read Komrem HLAHEI 140 Bible Online

HLAHEI 140 - Komrem bible

HLAHEI 140

¹Akaṭhamak katlo heia inphut eihuk roh, RŌNGPU; rumhrat katlo heia inphut eihuk roh.

²Anmani’n ṭhatmak rōk anmantluk, innâk-insena rōk anmasō ria kae.

³Anmaleihei kha hrise malei ka-ang; anṭonghri hei kha’m rasok tûr ka-ang.

⁴RŌNGPU, akaṭhamak-hei rathahrat a inphut eisan roh; katlâk sukna sik ṭōn intluk hei, rumhrat kahmang heia inphut kahringa eida roh.

⁵Mi inlensak-hei khan kei anchâng ankamsan eng; anlen châng kha anmado, khana hlamdunga khan kei surna sik anchâng kha anda.

⁶“Nang ka-Pathen che kae,” tia ka-RŌNGPU hneng kahri, inthōpuina sik kaṭapna ajōngthei pek roh, RŌNGPU!

⁷Ani kahrung Chunghnung RŌNGPU, kei ani kasan akahratpa, nang in rehmun a khan nahuk eng.

⁸RŌNGPU, mikaṭhamak-hei tamadu kha pek mak hei roh, anṭōn mantluk hei kha hme mansō mak hei roh.

⁹Ani’nrepuihei kha chung sōkna mannei mak hei roh; kei anmaṭhitna eng kha anchunga malet pek hei roh.

¹⁰Hmeira-ê akalumjap kha anchunga tla rasoh. ansōk hêr nôk makna sik a khur shunga hlon mathlâk a om hei rasoh.

¹¹Dik loa mi hnenga ṭhena kapek hei kha hmesōna chenmak hei rasoh; rumhrat kahmang hei kha ṭhatmak in surkhum hei sona suk manhmang hei rasoh.

¹²RŌNGPU, nang in sarahei leh akatlasam hei andikna nasan hei ti kamanhret.

¹³Mikadik he’n anchoi ka-ân nger sik che; khana na-ângkunga ka-om sik hei.