Read Komrem HLAHEI 141 Bible Online

HLAHEI 141 - Komrem bible

HLAHEI 141

¹RŌNGPU, nang kabek che, tûntak hin ajōng inthōpui roh! Kahongbek che pha arangei pek roh.

²Kaderna kha marim kahōi kapōa arahlâng pek roh, kakut kalâng hei kha khōhlei inthoina kapōa eilopek roh.

³RŌNGPU, kabei hi akahrung inkhat eidapek roh, kahnera akahrung inkhat eidapek roh.

⁴Ṭhatmak tlo sik maduna inphut leh mikaṭhamak-hei ṭhatmak tlona kâra invei sik a inphut eiṭhensōt roh. Ansâk tlâng tlona khan tlahêr mak rong.

⁵Mikaṭha he’n lungset jâra anikarâk thei khana anirasei thei eng, tâk mikaṭhamak-hei kajana pek eng khachu hnōm hêrmak ning, ajârchu anṭhatmak tlona kadōia kader ṭhak a kae.

⁶Anvai karônhei kha hlung karea inphut a anhlon mathlâk hei pha kaṭonghei kha kadik tia mipui he’n hong kahnōm sik hei.

⁷Thing kha ahar-ahak a a’nlâk-khōi jo kapōa, khang’khan anru anrâng hei kha thlân panga katla inchek a ka-om jo hei.

⁸Tâk-kha kataksen ṭhak che, Chunghnung RŌNGPU. Nang hukna kha kajong; amanthi mak roh!

⁹Ṭōnse katlohei chânga inphut, khana kei surna sik antakam chânga inphut eihuksōt roh.

¹⁰Kei chu heite’n atônloa kaselai khan, mikaṭhamak-hei khachu anchâng kam kalan a khan in-ôk hei rasoh.