Read Komrem HLAHEI 142 Bible Online

HLAHEI 142 - Komrem bible

HLAHEI 142

¹Inthōpuina sik a RŌNGPU kha kabek; ahnenga ngekna kanei.

²Kamalung tlukmakna rakip kha ahnenga kahri; ka’nrengna rakip kha ahnenga kamanthei.

³Dahlon sik a ka’ntluk pha, kaṭōn tlo sik rakip kha amak hma amanhret. Kahlam hrona khan, ka’nrepui he’n châng ankam.

⁴Kasir kapang ka-en pha, ani’nthōpui sik tûte hmumak eng, ani kahrung sik tûte hmumak eng. Tûte’num kei adonmak hei.

⁵RŌNGPU, inthōpui madu jâra kaṭap eng; RŌNGPU nang kei ani kahrungpa che kae, hiva hringkhō shunga kamadupen kha nang che kae.

⁶Na’nṭang pui sik a kaṭapna arangei pek roh, ajârchu malung kōina khan akachûm jo eng. Kei inrepui heia inphut eihuk roh; anmani kha kei sik a chu kahrat hêr hei.

⁷Ka’nrengna inphut eimasō roh; khan chu naṭhat thei pekna eng jâra khan ke’n namipuihei intûpna kâra kachoi ka-ân sik che.