Read Komrem HLAHEI 144 Bible Online

HLAHEI 144 - Komrem bible

HLAHEI 144

¹Ani kahrung, RŌNGPU kha choi ka-ân ruh! ama’n re tlodân amanthei eng khana re katlo sik a amantluk eng.

²Ama hi ani kahrung leh ani kasan kae, kei in-ungna leh ani kahuk kae, inhukna sik achunga taksenna kanei. Ama’n jât-hei kha kathōia ada hei.

³RŌNGPU, heimo akae heia mihring kha manhretna naneihei; akathithei hrep hei kha khôk nasak hei?

⁴Anmani hi thli ajing nimade kapōhrep hei kae; anhringna kanikhō kha’m daihlim kase kapō kae.

⁵O RŌNGPU, bōirōk kha keiṭhen ina jōng ṭum roh; tlânghei hi jōngtôn hei roh, khana anmani’n hmeikhu anjōng masō sik.

⁶Khō jōng manphe ina na’nrepuihei kha manchek hei roh; nathepui kha jōngkâp ina mantlânsōt hei roh.

⁷Chunga inphut ajōng kabân ina, tui inthûktak a inphut akeisōt roh, khana eihuk roh; ram hlop hei rathahrat a inphut,

⁸ṭongdik kahri phungtet mak hei leh intepna shunga kapha’m malei kasei heia inphut ahuk roh.

⁹Nahnenga hlather kasak sik, Eh Pathen; kaserângdâr kamandei sik a kha nahnenga hla kasak sik.

¹⁰Nang in renghei kha torna napek hei, khana nasōk David kha nahuksōt.

¹¹Ka’nrepui, êngkase heia inphut eihuksōt roh, ram hlop hei rathahrat a inphut ṭongdik kahri phungtet mak hei leh intepna shunga kapha’m malei kasei heia inphut eihuk roh.

¹²Kansa pase naihei kha thingtoi kadông kaṭhatak ahong kahmông hong ang hei rasoh. Kansa nuhngâk-hei kha chopui kaṭhatak reng-innpui sakna sik a arakira matung kha ang hei rasoh.

¹³Kansasōr hei kha sâng leh be khana kara rakip khan siptak rasoh. Kanhlei heia kankemōng hei khan a’nte lishing raja matet hei rasoh.

¹⁴Kanranhring hei kha heite a’nset akakōi kasea te nei hei sona pungṭhak hei rasoh. Kanhlam dung heia inreng ṭap rasa intheimak rasoh.

¹⁵Hiva kapōa ahong kasōkpek jo hei kha mikahōihei kae; RŌNGPU’n an-Pathen akachangpek hei kha mikahōihei kae!