Read Komrem HLAHEI 146 Bible Online

HLAHEI 146 - Komrem bible

HLAHEI 146

¹RŌNGPU kha choi ka-ân roh! Karathla, RŌNGPU kha choi ka-ân roh!

²Kahring lai seng ama kha kachoi ka-ân sik; kahring shunga ka-Pathen hla kha kasak sik.

³Mihring hlamkeina khan taksenna neimak roh; mihring tûte’num ahuk tor mak ning.

⁴Anthi pha leh ralei vaiphina inle hei, khava ning khan antamantluk rakip hei kha inchai ri jo.

⁵Anmani inthōpui sik a Jacob Pathen akaneihei khana an-Pathen RŌNGPU hnenga a’nngai hei,

⁶marvân, ralei leh tui-ôngpui, khana ashunga ka-om rakip kasyempa hneng, a’nngai hei kha mikahōihei kae. Ama chu aṭongtep kha ajui ṭhak a kae;

⁷mi takahnur hei kasan a ṭong atan, von kaṭâm hei kha bu apek hei. RŌNGPU’n khuma ka-om hei kha amasō hei

⁸khana hmit kachô hei kha khō amanhmu hei. Akatlu jo hei kha akei mathōihei, ami kadik-hei kha alungset hei.

⁹Niram shunga ka-om ram hlop mihei kha ahrung hei; ama’n renghmeihei leh nu leh pa insamhei kha a’nthōpui hei, tâk mikaṭhamak-hei chu an-inhmangna sik hlam a aṭhōi hei.

¹⁰RŌNGPU kha ahei tik a reng kae. O Zion, na-Pathen khan pha rakip a vai arôn sik kae. RŌNGPU kha choi ka-ân ruh!