Read Komrem HLAHEI 21 Bible Online

HLAHEI 21 - Komrem bible

HLAHEI 21

¹O RŌNGPU, rengpa kha inpâk, ajârchu nang in ratha ngarna napek a kae; ama aning kaṭha, ajârchu nang in retorna namanneia kae.

²Ama malunga amadu kha napek jo; aderna kha namasôn jo.

³Nang in mahâmṭhat kalentak leh ahnenga kajōng che; khana alu chunga sana lukhu namankhu.

⁴Ama’n hringkhō ader che kha napek, nang in hringkhō seisôtna leh hnetna napek.

⁵Nang inthōpui jâra alûrna kha kalen; rahming inthangna leh lûrna kha napek jo.

⁶Achunga namahâm ṭhatna kha ahei tik a ka-om, khana nang ompuina khan ama inpâkna kasip.

⁷Rengpa khan Chunghnung RŌNGPU kha ataksen; khana RŌNGPU lungsetna a’nthleng mak jâra ama ahei tik a inhuk ṭhak sik.

⁸Rengpa khan a’nrepuihei seng asur sik hei; ama kahōt hei seng asur sik hei.

⁹Ama ajōng inlâr pha anmani kha hmeimale vâng amanhmang sik hei. RŌNGPU hnuk natna khan amade sik hei, khana hmeimale khan akâng manvâm sik hei.

¹⁰Ansōn leh pâr tûte hringmak jo hei ning; rengpa’n athat manrampet sik hei.

¹¹Anmani’n ama dōina ṭōn kaṭhamak-hei anmantluk, tâk hmesō tor mak hei ning.

¹²Ama’n anmani kha athe vâng akâp sik hei, khana anhmai anmahea katlân sik jo hei.

¹³RŌNGPU, narathahrat alen jâra kanmanpâk che! Naratha hratna kha hla vânga kansak a kanchoi ka-ân sik che.