Read Komrem HLAHEI 24 Bible Online

HLAHEI 24 - Komrem bible

HLAHEI 24

¹Vânhnōi leh ashunga ka-om rakip RŌNGPU ta kae; ralei leh achunga aka-om rakip ama tahei kae.

²Ama’n ralei thōia tui inthûkna shunga khavakha asyema amanngir, khana tui-ôngpui inthûk thōia khava innhmun kha adeng.

³RŌNGPU hmebung chunga ketouna sik ratha kanei kha tu mo? Abek-inn intheng shunga akahlut thei sik kha tu mo?

⁴Anmani khachu ṭōn tlona leh mandonna malung intheng hei, limsyem inmukmak hei, khana maleiseia intepna kaneimak hei kha kae.

⁵RŌNGPU’n vâng apek sik hei khana ahuk sik hei, Pathen khan anmani ṭhenakase hei tia amalâr sik hei.

⁶Khahei khachu Pathen hnenga akahong hei kha kae, Jacob Pathen hmaikunga akahong hei kha kae.

⁷Kekot-hei kha mahlang kang hei ruh, tenlaia kot-hei kha mahlang hei ruh, khan rengkalen kha heikahlut sik.

⁸Hiva reng kalenpa hi tu mo? Ama kha akalen leh akahrat RŌNGPU kae, re katorpa RŌNGPU kha kae.

⁹Kekot-hei kha mahlang kang hei ruh, tenlaia kot-hei kha mahlang hei ruh, khana rengkalen kha heikahlut sik.

¹⁰Hiva reng kalenpa hi tu mo? Re kator RŌNGPU, rengkalen kha kae.