Read Komrem HLAHEI 26 Bible Online

HLAHEI 26 - Komrem bible

HLAHEI 26

¹Ṭhenakase inkhat a atei roh, O RŌNGPU, ajârchu ke’n akadik kha katlo khana kaṭha nenga kataksen che.

²A-ensin ina a-ensui roh, RŌNGPU; kamalung mandon leh kamadu rangei hei ente roh.

³Nalungset inthlengmak kha kahlam kakei kae. Taksenthei nachangna khan ahei tik a kahlam aṭhōi eng.

⁴Akahnem mak mihei leh inthlop mak eng; mi inṭhatsak hei leh tlosap sik heite neimak eng.

⁵Ke’n mikaṭhamak-hei leh inthlop sik kahōt, khana malung intheng mak hei kha kapesōt hei.

⁶RŌNGPU, kei ṭhenakase kachang malârna sik kakut hei kasôp, khana namaichâm kimvea nang inmuk sik kahei jōn.

⁷Ke’n choi ka-ânna hla kasak khana naṭōntlo inlak rakip kha kahrile.

⁸O RŌNGPU, na-omna inn kha kamadu nalûrna omna hmun kha karangei.

⁹Mikaset-hei leh asuk manhmang sap mak roh; mikathat-hei vângset chen sik a inphut aṭhensōt roh.

¹⁰Khahei khachu pha rakip a ṭhatmak ṭōn katlohei leh sêrmarûk sâk sik a a’ntluk ṭhak hei kha kae.

¹¹Kei chu, akadik kha katlo, alungset ina ahuk roh!

¹²Thinathei rakip a inphut inhuk a ka-om eng; amipuihei intûpna hmun a ke’n RŌNGPU kha kachoi ka-ân.