Read Komrem HLAHEI 28 Bible Online

HLAHEI 28 - Komrem bible

HLAHEI 28

¹O RŌNGPU, kei kahrungpa, nang kabek che, kaṭana arangei pek roh! Namasôn mak eng inchu, kathirama akase hei kâra inveisa sik jo eng.

²Nabek-inn intheng langting kakut kakalâng pha, inthōpuina sik kaṭap pha athei pek roh.

³Malung kaṭhamak-hei leh ṭhatmak katlohei, anbeisō chu ṭim leh re ṭong kahrihei, tâk anshunga chu enkadana kasip hei kha leh maset aman chensap mak roh.

⁴Anṭōn leitlo hei jâra khan, ṭhatmak antlo jâra khan karâk hei roh. Anṭōntlo rakip jâra khan karâk hei roh; anrahōi kasōk kha pek hei roh!

⁵RŌNGPU’n heimo atlo tia manhret mak hei; achangmak leh ama’n heimo asyem donpek mak hei; khava jâra karâkna apek sik hei, khana ahei tik a asuk manhmang sik hei.

⁶RŌNGPU kha choi ka-ânna pek ruh; inthōpuina sik a kaṭana athei pek eng!

⁷RŌNGPU’n, kei asan enga ahrung eng; ke’n ama kataksen. Ama’n inthōpuina apek eng, khana amanhōi eng. Hla kahōihei sakpuma kachoi ka-ân.

⁸RŌNGPU’N amihei kha ahrung hei; ama’n akadei reng kha asan a ahuksōt.

⁹RŌNGPU, namihei huk hei roh, khana nata kachang hei kha vâng pek hei roh. Ankakhempa kha chang pek hei roh, khana ahei tik a tinta hei roh.