Read Komrem HLAHEI 32 Bible Online

HLAHEI 32 - Komrem bible

HLAHEI 32

¹Ansetna rangei mandam jo hei leh anṭhena makhu pek jo hei kha mivâng kaṭhahei kae.

²Atlo ṭhena chunga RŌNGPU’n themmô apek mak, hōn mathlâkna rakip a inphut masōsōt kachang kha mivâng kaṭha kae.

³Kasetna hei kahrisōt mak pha leh, sûn nilun kaṭapna kaṭōi reng eng.

⁴RŌNGPU, sûn leh jân karâkna napek eng; khōlum thla a radaitui akachârber kapōa karatha hi katlang reng jo.

⁵Khava sōa kasetna hei nahnenga kahrisōt hei; kaṭhena hei thup mak eng. Nahnenga kasetna hei hrisōt sik intluk eng, khana kaṭhena hei seng narangei mandam ri eng.

⁶Khava jâra naṭong kajui mi rakip in antarangei a-om pha ander sik che, inrengna tuipui ahonglen pha, anmani kachûm phâkmak hei ning.

⁷Nang chu ka’nthupna hmun che kha kae; inrim khōdeng theina inphut nahuk sik eng. Nang hukmanhringna kha hla vâng inhnaktak a kasak, ajârchu nang in nahrung eng.

⁸RŌNGPU’n ati, “Ke’n nasena sik hlam kamanthei sik che; ke’n kamanse sik che, khana kamanchu sik che.

⁹Ṭong manjui ngerna sik a ahnara hnarrâk hrui a-emak leh abeia beirâk hrui antakarâk shakōrtung leh shakor kapō kha changmak ruh.”

¹⁰Mikaṭhamak-hei khan khōdeng antathei sik kasōk; tâk RŌNGPU kataksenhei khachu alungsetna tlangtik kaneimak khan ahuk sik hei.

¹¹RŌNGPU ṭōn leitlo chunga khan mikadik-hei seng tlai ruh, inpâk ruh! Ama ṭong kajuihei inpâk a ông ruh.