Read Komrem HLAHEI 36 Bible Online

HLAHEI 36 - Komrem bible

HLAHEI 36

¹Mikaṭhamak-hei lungri shunga setna kha kaṭong; anmani’n Pathen kha anhōt, khana kajamak hei.

²Ajârchu anbinga inshângtak a inlo hei. Pathen in ansetna ahmu mak sik leh amaset mak sik heia indon hei.

³Anṭonghri kha ṭhamak khana maleisei kasip phet; akasing leh akaṭha ṭōntlo hêrmak jo hei.

⁴Jekhum chunga anje pha akadik mak ṭōn kha anmantluk; anṭōntlo inkhatbek akaṭha om mak, khana akaṭhamak inkhatbek antathei kada om mak.

⁵RŌNGPU, nalungset inthlengmak khan marvân heia katlung sō, taksenthei nachangna khan chungvân hei katlung sō.

⁶Nadikna kha tlânghei kapōa inshânga ka-om, Naṭongtan dikna kha tui-ôngpui inthûk ka-ang. Mihring leh ranhringhei nang ensuina thōia ka-om hei.

⁷Eh Pathen, nalungset inthlengmak kha heituk-hrep mankatam jo mo! Namathla hnōi daihlima inhrungna kha kanhmu.

⁸Bu leh thlai katamtak napekna ung vâng khan inveina kannei; Naṭhatna tuidunga inphut tui naman in ung.

⁹Nang chu hringna rakip kōnna che kha kae, nang navâr jâra keini’n vâr kha kanhmu.

¹⁰Nang inhret hei kha lungset ṭhak hei roh; khana mikadik-hei chunga akaṭha ṭōn kha tlopek ṭhak hei roh.

¹¹Mi’nlensak hei kha amanbuhlu mak hei roh, khana mikaṭhamak he’n ahnong sōt mak hei rasoh.

¹²Mikaṭhamak-hei thlûkna hmun kha enroh. Sova hmun a son katlu heia, thōi tor mak jo hei.