Read Komrem HLAHEI 39 Bible Online

HLAHEI 39 - Komrem bible

HLAHEI 39

¹Ke’n kaleihri “Ke’n kaṭōn tlona chunga insing thei sik eng khana kamalei hin setna amantlo mak ning; mikaṭhamak-hei kahnenga an-om pha leh ke’n heite hrimak ning.”

²Kei ṭong inkhatbek hriloa sip katia ka-om eng, heikhat akaṭha chungchânga kapha’m hrisōt loa ka-om eng! Tâk-kha kakhōdengthei khachu hong kakhôk chet-chet a kae.

³Khana malung inhângna’n aleitor jo eng. Kamandonna atamchenna kei hi inrengchet eng; hiva sik a derloa sip titor mak jo eng:

⁴“RŌNGPU, heituk kasôt mo akahring sik eng? Heitik leh mo akathi sik eng? Heituk inranga kahringkhō hi a’nchai sik mo amanthei roh.”

⁵Heikhong mo kahringkhō hi hingtuk katôia nasyempek jo eng. Nang hmit-hmua kahringkhōsei hi heite emak. Kadik, hringkhō kanei rakip hi kaphuk vōi khat sân kapōhrep kae,

⁶bongkhat a daihlim kha leh inkhetna mak! Anṭōntlo rakip hei hi heite hnemmak; anmani’n nei leh hao anbuk, tâk tu tachen sik mo manhret mak hei.

⁷Chu achang inchu, heimo inhōrna kanei sik, RŌNGPU? Nang chunga inhōrna kha kanei.

⁸Kasetna rakip a inphut ahuk roh, khana mikamohei sem tlona amannei mak hei roh.

⁹Kei ka-om hnâm sik eng, ṭong hrimak ning, ajârchu nang in hing’hin inrengna namande enga kae.

¹⁰Karâkna hi apesa mak jo roh! Nang in navōk manhnak enga kathivet jo eng!

¹¹Naraseina vâng khan kansetna hei chunga karâkna napek ung, khana kantamadu kha ra-nge kapōa nasuk manhmang pek ung. Kadiktak a, keini hi kaphuk sân inkhat kapōhrep ung kae.

¹²RŌNGPU, kaderna rangei roh; khana kapengna athei pek roh; nahnenga kaṭap pha kakabôm sik ahongpek roh. Kapu kapahei kapōa, pha bongkhat sik a khōhme hrep eng kae.

¹³Kei kasesōt a ka’nhmang thang mak hma hin hōina bongkhat bek kachen theina sik kabing rōk a amasō roh.