Read Komrem HLAHEI 4 Bible Online

HLAHEI 4 - Komrem bible

HLAHEI 4

¹Eh! Pathen, kakahrungpa, kader che pha amasôn roh! Ke’n khōdeng kalei thei lai nale’nṭangpui eng. Tûn lungset a eirôn roh khana kaderna arangei pek roh!

²Mihring nangni’n heitik chenmo inzakna nantapek sik eng? Akahnem mak kha nangni’n heitik chenmo nanta madu sik, khana akadik mak kha nantalajui sik?

³Mandon sōt ruh, RŌNGPU’n akadik-hei kha atakhet sik a akadeisōt jo hei, khana ke’n ama kabek pha athei pek eng.

⁴Ṭittak a innok ruh, khana nanset tlo kha bâng ruh; nanjekhum chunga sip katia na’nthlong pha hivahi aritak a mandon ruh.

⁵RŌNGPU hneng akadik inthoina kha pek ruh, khana achunga taksenna nei ruh.

⁶Derna kanei katamtak ka-om hei: “O RŌNGPU, vângṭhat apesa roh. Lungset hmit-enna ajōng enroh!” anti.

⁷Tâk-kha napek eng inpâkna khan vomhrui ju leh thlai katamtak kaneihei inpâkna kha akhechet.

⁸Jekhuma ka’nthlōng pha, kamōng tak a kaje eng; O RŌNGPU nang rōk in pui katluk inhukna kha napek eng kae.