Read Komrem HLAHEI 44 Bible Online

HLAHEI 44 - Komrem bible

HLAHEI 44

¹Eh Pathen, tenlaia pha heia naṭōn kalen leitlo hei chungchânga kanpa-kanpu hei taleihri kha kankōr khet in kantheia kae:

²heikhonga mo nang in khōvelhei kha nahnong sōt hei, anrama khan namihei nalei phunsōt hei; heikhonga mo nang in jât-hlop hei kha karâkna napek hei, khana nami kachang hei khachu namanhao hei, ti hi kanleithei jo.

³Namihei khan chemjâm vâng ram kha anta leihlō changmak; anratha hrat vâng anta leihlō changmak; nalungsetna hei malârna, na-ompuina hei manchênna, nang ratha hratna leh natlo torna vâng khan kae.

⁴Nang kareng leh ka-Pathen che kae; nang in namihei kha torna napek hei.

⁵Khana nang tlotorna vâng khan kankadōi hei kha kantor hei.

⁶Kei inhukna sik a kasai leh chemjâma inngampui mak hei eng;

⁷tâk kan-inrepui heia inphut nang in nahuk jo ung. Kankahōt hei kha nang in natorpek jo ung.

⁸Keini’n nang kanchoi ka-ân ṭhak sik che khana ahei tik a kanmanpâk ṭhak sik che.

⁹Tâk-kha tûnchu, nang in nahlon sōt jo ung khana mi namantor jo ung; kanremihei hma nampui mak jo hei che.

¹⁰Kankadōi heia inphut namantlân jo ung khana kanneinâk hei kha antâ manchang sik a an-inlo jo.

¹¹Kemōng kapōa antathat sik unga kahnōm jo che; ram hlop heia nakathek manchek jo unga kae.

¹²Nang in namihei kha heite kanimak kapōa, man katlômtek a najōrsōt jo ung.

¹³Kanven he’n kanchunga natlona seng kha anhmu, khana anmani’n anmanuisō ung, semtlo hōina annei ung.

¹⁴Jât-hei kâra mihnōise inkhat a nasyem jo ung; anmani’n anlu ankachuk khum jo ung.

¹⁵Kei ahei tik a inzakna kachen, khana inzakna’n akatōm ṭhak jo eng

¹⁶kan-inrepui leh kakahōt he’n anhner antapher thlōn leh inzak antapek eng katheia kae.

¹⁷Keini’n nang kanmahngi mak che ravâng na’ntep puina ung kha kansuk khōi mak ravâng hivahei seng hi kanchunga kasōk jo.

¹⁸Nang ṭong kajuimak kha leichang mak ung; naṭongpek akajuimak kha changmak ung.

¹⁹Achang ravâng ramshahei kâra atloje omloa nadahlon jo ung; inthimpakna shunga khan nadahlon jo unga kae.

²⁰Keini’n kan-Pathen kanlei kamuk mak a, ram hlop hei Pathen derna kanleinei achang inchu,

²¹namanhretsōt nger sik ung, ajârchu nang in keini lungri mandonna nahmu sōa kae.

²²Tâk-kha nang sik jâra pha rakip a anthat ṭhak ung, ti chu kemōng that sik inkhat kapōa antloset unga kae.

²³Thōi roh, RŌNGPU! heisa mo akaje che? Nabinga inṭhang roh! ahei tik a sik a keini ahlon sōt mak roh!

²⁴Heisa mo keinia inphut a’nthup che? Kan-inrengna leh kanbōina hei mahngi mak roh!

²⁵Raleia ankahnur cher unga katlu jo ung; mi tator kachang unga ravut kâra inthlong jo ung.

²⁶Keini kabôm sik a hong roh! Nalungset inthlengmak jâra khan ahuksōt roh!