Read Komrem HLAHEI 51 Bible Online

HLAHEI 51 - Komrem bible

HLAHEI 51

¹Nalungset inthlengmak vâng khan marit a arôn roh, Eh Pathen. Namaritna kalen vâng khan kasetna ahni manthengpek roh!

²Kaṭhat makna hi asôp manthengpek roh, khana kasetna inphut amantheng seng roh.

³Kaṭhena hei kamanhret; kasetna hei kha kamandonsōt ṭhak.

⁴Nang kadōia kaset jo eng, nangkhet kadōia — nang in ṭhamak natitak kha katlo jo. Khava jâra kachunga ṭong natan hi akadik kae, kachunga namaset eng hi akadik kae.

⁵Kajō’ntet ninga inphut akaṭhamaksa eng kae; kanu’n aleivonlai enga inphut setkarôn sa eng kae.

⁶Malung intheng leh akadik kha nang in namadu; nasingna kha kashunga ada mansip pek roh.

⁷Kasetna alosōt pek roh. Khan chu intheng sik jo eng; arasi mantheng roh, khan chu kavur kanek a kachek sik jo eng.

⁸Hōina leh inpâk rasa hei kha amanthei roh; nang in nakahnura, nasuk mathlek jo eng inum, kei vōi khat chu la’npâk nôk sik eng.

⁹Kasetna hei chunga nahmit akathimde roh, kaṭhat makna rakip ahnisōt pek roh.

¹⁰Eh Pathen, kashunga malung intheng asyempek roh, khana kashunga ṭong kajui rathlather adapek roh.

¹¹Na-âng shunga inphut ahnong sōt mak roh; narathla intheng kha kahnenga inphut alosōt pek mak roh.

¹²Nahuk manhringna inphut hōina kha apek nôk roh, khana naṭong kajuitheia asyem nôk roh.

¹³Khana naṭongpek kha mikaset-hei kamanthei sik hei; khana anmani nahnenga ho’nle nôk sik hei.

¹⁴Kahringkhō hi aṭhen pek roh, Eh Pathen, khana ahuk roh; Ke’n nadikna kha inpâktak a kaphôngsōt sik.

¹⁵RŌNGPU, kaṭong hrina a’nthōpui roh, khan chu nang kamanpâk sik che.

¹⁶Nang chu inthoinahei madu mak che, namadu’n chu tōkna kaleinei sik kae; nang chu ro-inthoinahei khan tlai tor mak che.

¹⁷Eh Pathen, rathla insinsakna kha kei inthoina kae; nang in malung insinsak leh insirna hi hlonsōt mak tin che.

¹⁸Eh Pathen, Zion kha lungset ina inthōpui roh, Jerusalem banghei kha syem kaṭha nôk roh.

¹⁹Khava pha khan akadiktak inthoina leh keini ro-inthoina khan katlâi sik che; sehratche kha namaichâm chunga kantōk sik.