Read Komrem HLAHEI 52 Bible Online

HLAHEI 52 - Komrem bible

HLAHEI 52

¹Mikalen nang, heisa mo naṭhatmakna kha na’nlensak pui? Pathen taksenthei changna hichu kumleikō sik a kae.

²Milak-hei inhmangna sik namantluk; namalei kha chem kangeijap kapō kae. Maleisei ṭong nakeisōṭhak a kae.

³Nang in akaṭha kanek a akaṭhamak namadu jôk, akadik kanek a akadik mak kha namadua kae.

⁴Eh malei kasei, naṭong hri vâng mihei malung mantôn sik namadu!

⁵Achang jâra Pathen in nang are-rea asukset sik jo che; ama’n nang amatu sik che, khana na-inna inphut akeisōt sik che; hringna vânhnōia inphut aṭhōisōt sik jo che.

⁶Khavakha mikadik he’n anhmu pha kaṭi sik hei; khana anmanuisō sik che khana anti sik,

⁷“Enroh, tu mo inkhat chu a’nhuksōtna sik a Pathen hneng in-ngai loa ka-om, tâk akarōi katamtak chunga khan in-ngai jôk. Aṭhat makna vânga inhukna sik ajong.”

⁸Tâk-kha kei chu Pathen innshunga akahmông olive thingkung kapō eng kae; alungsetna inthlengmak kha ahei tik a kataksen.

⁹Naṭōntlo jâra kamanpâk ṭhak sik che, Pathen; namipuihei hmaikunga naṭhatna kha kahri manthang sik.