Read Komrem HLAHEI 57 Bible Online

HLAHEI 57 - Komrem bible

HLAHEI 57

¹Kei amarit roh, Eh Pathen, amarit roh; ajârchu hukmanhring madu jâra nahnenga kahong eng. Thlipui khōpui athlengsō mak lai seng khan namathla hnōia in-ungna kanei.

²Karangei rakip anikapek Pathen, Chunghnung Pathen ke’n kabek.

³Ama’n marvâna inphut ajōng masôn sik eng khana ahuk sik eng; kei kasuk inrim hei kha ator sik hei. Pathen in inthlengtik kaneimak alungsetna leh taksenthei achangna kha amanhmu sik eng.

⁴Mihring ravōi akasâk hnōm shabakkaihei kapōa, kei inrepuihei khan ankatōm eng. Anha hei kha kasei leh thepui kangei ka-ang hei; khana anmaleihei kha chemjâm kangei ka-ang hei.

⁵Eh Pathen, nalenna kha marvâna, khana nalûrna kha raleichung rakip a malâr roh.

⁶Ka’nrepui he’n kasurna sik a anlen anmazer; malung dongna’n kei akatōm eng. Kahlam a khur anchopek eng, tâk anmani kalalen ashunga khan katlasuk hei.

⁷Eh Pathen, nang chunga pui katluk taksenna kanei, nang manpâkna hla kasak sik khana kachoi ka-ân sik che.

⁸Karathla, thō jo roh! Kaṭingṭang leh kaserângdâr thōi jo ruh! Simni kha ke’n kamathō sik kae.

⁹Jât-hei kâra kamanpâk sik che, O RŌNGPU, mipuihei kâra kachoi ka-ân sik che!

¹⁰Nalungset inthlengmak khan marvân asun; hlamrinthei nachangna khan bōirōk atôn hei.

¹¹Eh Pathen, nalenna kha thli chunga, khana nalûrna kha raleichung rakip a malâr roh!