Read Komrem HLAHEI 6 Bible Online

HLAHEI 6 - Komrem bible

HLAHEI 6

¹RŌNGPU nahnuk mannat mak roh khana arasei mak roh! hnuknat a karâkna apek mak roh!

²Karatha katlang jo, O RŌNGPU; eilungset roh! Ratha hratna apek roh; kachâmneng jo eng,

³kataksa pumpui kachâm hêr jo eng; O RŌNGPU, kei inthōpui sik kha heituk mo alakasôt sik?

⁴RŌNGPU jōng roh, kei ajōng huk roh; nang maritna khan thina inphut ahuksōt roh.

⁵Kathirama khan nang mandonsōtna om mak; khana khan tûte’n nang manpâk tor mak hei tin.

⁶Inrim jâra karatha katlang jo; ajân katai kaṭapna kajekhum indap jo, kahmit rathli’n kalukham kachorsō jo.

⁷Kahmit invai jo; kakadōi he’n anmanṭap enga kahmit inthlingsō jo hei.

⁸Nangni mikaṭhamak-hei, kahnenga inphut sesōt ruh! RŌNGPU’n kaṭana athei pek eng;

⁹Inthōpuina sik a ka-ông pha ama’n arangei pek eng, khana kaderna amasôn sik eng.

¹⁰Ka’nrepuihei khan re tor makna inzakna kha anmanhret sik; manhret manloa inhmakna kâra anhnongsōt sik jo hei.