Read Komrem HLAHEI 66 Bible Online

HLAHEI 66 - Komrem bible

HLAHEI 66

¹Mi rakip inpâk a ông pum a Pathen kha choi ka-ân ruh!

²Arahming kalûr kha hla vâng sak ruh; akalûrpen choimanshângna kha ama pek ruh!

³Pathen hneng hri ruh, “Naṭōn tlohei hi heituk-hrep a a’nlak mo! Naratha hi hingtuk hrep kahrat ti chu nakadōihei kha nahmai kunga ṭittak a inkun hei.

⁴Raleia mi rakip in ankamuk che; nachoi ka-ânna hla ansak, narahming choi ka-ânna hla ansak.”

⁵Hong ruh va-en ruh, Pathen in heimo atlo, mihring sik aṭōntlo inlak-hei hi.

⁶Tuipui kha tlâng kachâr amanchang; nipusōn he’n tuidung kha anke vâng anleirakan. Khana khan aṭōn leitlo jâra eini inpâk me.

⁷Aratha neina vâng khan ahei tik chen a vai arôn khana jât-hei chunga a-en mathlip hei. Ama kadōia re katuk ngir sōt mak hei rasoh.

⁸Jât rakip in ni-Pathen kha choi ka-ân ruh; nanchoi ka-ânna kha inthei rasoh.

⁹Ama’n kahringa ada me, khana eini nitlâksuk sik kha hnōm mak.

¹⁰Pathen, nang in enmansinna shunga nada ung; dangka hi hmei vâng niro mantheng kapōa, khang’khan na-enmansin ung.

¹¹Nang in châng shunga namanhlut ung, khana kankhōn chunga rôn kahriktak nadapek ung.

¹²Kan-inrepuihei kha namanchōn rachi ung; hmei leh tuikalen chunga namanse ung, tâk tûnchu hringna hmun a nahong ṭhōi jo ung.

¹³Ke’n tōk sik kha na-inna kahei choi sik; ka’ntepna kha nahnenga katōksōt sik.

¹⁴Kakhōdengthei laia, tlo sik tia kaleihri kha kapek sik che.

¹⁵Namaichâm chunga ro mankhut sik kemōng kapek sik; sehratche leh kechehei katōksōt sik hei, khava hmeikhu khan bōirōk chungting hong kake sik.

¹⁶Pathen kajana kaneihei seng, hong ruh, hong rangei ruh. khana ama’n kei sik heimo atlo kha kamanthei sik chei.

¹⁷Inthōpui madu jâra kalei-ôn; hla vânga kaleichoi ka-ân.

¹⁸Kasetna hei kha kadon mak inchu, Pathen in kaderna arangei pek mak ning.

¹⁹Tâk-kha kadiktak a Pathen in athei pek eng; kaderna kha arangei pek eng.

²⁰Pathen kha kachoi ka-ân, ajârchu kaderna kha hlonsōt mak, khana alungset inthlengmak kha keia inphut losōt mak.