Read Komrem HLAHEI 69 Bible Online

HLAHEI 69 - Komrem bible

HLAHEI 69

¹Ahuk roh, Eh Pathen! Tui in karîng katlung akachûm jo;

²Bōn inthûktak shunga katlasuk jo eng; khana khan ralei kangar heite om mak; Tui inthûktak chunga ani kahlânga ka-om jo eng, tui in-nông hei khan andim manhlut sik jo eng.

³Inthōpui sik kabekna khan kachâmneng jo eng, khana kakadang kana jo. Na’nthō puina kha ka-ena kahmit um kakham jo.

⁴Ajâr kasejena ani kahōt hei khan kalua sam nek a katam jo hei. Kei inrepui he’n kachunga maleisei anjôm; ratha annei, that sik a anmadu eng. Kaleimarûk jenmak neinâk kha anmanpek male eng.

⁵Eh Pathen, kasetna hei kha nang hneng chu inthup mak hei; heituk a aleikamo jo eng mo ti kha nang in namanhret.

⁶Nang kataksenhei chunga inzakna aman pek mak hei roh, Chunghnung RŌNGPU, Akahratpen! Nang inmuk hei kha hmaimôkna aman pek mak hei roh, Eh Israel Pathen!

⁷Mihe’n hmesetna antapek eng hi nang jâra kae khana inzakna’n amakhu eng hi nang sik a kae.

⁸Kei hi kapare kapatung hei hneng khōhme ka-ang jo eng, ka-innkōhei hneng khōhme ka-ang jo eng.

⁹Nabek-inn karangeina hin kashunga hmei takâng ka-ang jo; nang hmeset a anraseina che kha kei chunga katla jo.

¹⁰Thlai hngōia ka’nsinsak ravâng, mihe’n anrasei hrep eng;

¹¹Ṭajai suina pōnsi derkei vâng ka’nsyem ravâng manuisōna annei macheng eng.

¹²Hlampuia kei ṭong rōk anhri manchōr, khana ju inrui he’n hla anphō khum eng.

¹³Tâk-kha kei chu nahnenga derna kanei sik, RŌNGPU; namanṭhatna phatak a khan amasôn roh. Nalungsetna alen jâra khan amasôn roh, ajârchu kankahuk sik a na’ntepna kha najuia kae.

¹⁴Bōnthlōk kâra katlâk suk sik a inphut ahuk roh; kei inrepui heia inphut asan roh, tui inthûk a inphut ahuksōt roh.

¹⁵Kachunga tuishâng amanlen pek mak roh; tui inthûk shunga khan amathlâk mak roh, a-emak leh thlânkhur shunga adimsi mak roh.

¹⁶RŌNGPU nalungset inthlengmak ṭhatna vâng khan amasôn roh; nalungset len jâra khan ajōng hnget roh!

¹⁷Nasōk kei a’nthupde mak roh; kei khōdeng kathei hêr jo, tûn amasôn roh!

¹⁸Kahnenga jōng ina ahuk roh; ka’nrepui heia inphut ahuksōt roh.

¹⁹Khonghrep mo inzak antapek eng, khonghrep mo hmesetna leh kajamakna antanei eng kha namanhret; kei inrepui rakip hei kha nahmuhei.

²⁰Inzakna antapek eng hin kamalung asukkhōi; khana inhōrna kasea ka-om eng. Lungsetna kachen sik a le’nhōr eng, tâk heite leiom mak; lum lona kachen sik a le’nhōr eng, tâk heite leihmu mak eng.

²¹Kavon aleiṭâm pha tûr anleipek eng. katui aleihre pha tui kathûr anleipek eng.

²²Anmani sâktlâng tlo khan an-inhmangna chang rasoh; a’ntheng revei tlohei khan antlâk sukna chang rasoh.

²³Anhmit mancho pek hei roh; antingkhum kha ratha kaneimak manchang pek hei roh.

²⁴Nahnuknat kha anchunga bun mathlâk pek hei roh; nahnuknat inhnak khan vasuktō hei roh.

²⁵Anrekur kha dahlonpet hei rasoh; anpōn Innshunga khan akahring inkhatbek om mak hei rasoh.

²⁶Nang in nakarâk hei kha anmani’n ansuk manrim hei; nang in takbi namanrôn hei inrengna kha anhrilea kae.

²⁷Ansetna rakip hei kha mazet ina da roh; nahuk sōtna kha anmani chen mannei mak hei roh.

²⁸Hringna lekharabu shunga inphut anrahming losōt a om rasoh; namihei rahming mazetna shunga khan inveisa mak hei rasoh.

²⁹Tâk-kha kei chu kataksa kana jo, kade-hla jo; akei manding roh khana ahuk roh, Eh Pathen!

³⁰Pathen kha hla vâng kachoi ka-ân sik; alenna kha inpâkna pekpuma kahri manthang sik.

³¹Hivahin ranhring pek sōt kanek a RŌNGPU kha katlâi sik, sehratche pui katluk inthoina kanek a katlâi jôk sik.

³²Hivahi inrimna kachen hei khan anhmu pha inpâk sik hei; Pathen inmuk hei malung kha amathok sik.

³³RŌNGPU’n akatlasam hei derna arangei pek hei khana ami kurkhum shunga aka-om hei kha mahngi mak hei.

³⁴Eh marvân leh ralei tui-ôngpui hei leh anshunga ka-om ranhring rakip Pathen kha choi ka-ân ruh.

³⁵Ama’n Jerusalem ahuksōt sik, khana Judah khōpuihei kha asak manther sik. Amihei kha khan ka-om sik hei, khana aram kha anchen sik;

³⁶asōk-hei sōn he’n khavakha anhlō sik jo, khana ama inlungset hei kha khan ka-om sik jo hei.