Read Komrem HLAHEI 7 Bible Online

HLAHEI 7 - Komrem bible

HLAHEI 7

¹O RŌNGPU, ka-Pathen, nahuk sik enga kahong eng, ani kahnong rakip heia inphut asan ina ahuk roh,

²kha achangmak inchu tûte’n anihuk tor makna hmun a shabakkai inkhat tatlo kapōa anṭhōisōt sik eng, khana ankeirachen sik eng.

³O RŌNGPU, ka-Pathen, ke’n mi inkhat chunga kaleiṭhe’n chu, ke’n kaṭhōn inkhat inhmangna katlo’nchu, a-emak leh ajâr kasea ka’nrepui chunga innâk-inse katlo’nchu, ke’n hihei kâra heikhat kalei tlona aleiom khâk inchu,

⁵ka’nrepui he’n ahnong hei rasoh, asur hei rasoh, atuktan hei rasoh, athat hei rasoh, khana raleia akathisa a adahlon hei rasoh!

⁶O RŌNGPU! hnuknat pum a hongthōi roh. Kei inrepuihei hnuk setna kadōi sik a ngir sōt roh; nabinga hongthōisōt ina a’nthōpui roh, ajârchu nang tamadu khachu ṭongtan kadik kha kae,

⁷achang jâra nakimvea aka-om mipuihei kha heiṭhōi manchun hei roh, mihei kha chungtinga inphut vai jōngrôn hei roh.

⁸Nang chu mihring jât pumpui ṭongkatan che kae. Kei lum alo ina ṭong tan roh, O RŌNGPU, ajârchu kei hi ṭhenakase eng kae ti hi namanhret.

⁹Nang chu akadik Pathen inkhat che kae, keini mandonna leh maduna chunga ṭong tan roh, Akaṭhamak katlohei ṭhatmakna kha manbâng hei roh. khana mikaṭhahei kha inpâkman pek hei roh.

¹⁰Pathen chu kei kahrungpa kae; aṭong kajuihei kha ahuk hei.

¹¹Pathen chu akadik ṭongkatan kha kae; mikaṭhamak-hei kha ahei tik a themmô apek hei.

¹²Anmani’n ansedân anthleng mak inchu, Pathen in achemjâm akatât man ngei sik. Ama’n asai akei khana aman tlukdek a kae.

¹³Ama’n thitheina hmangchâk-hei amatu khana athepui hei hmei kasûk kâpsōt sik a aradin.

¹⁴Heikhonga mo malung intheng mak he’n ṭhatmak antamandon, enroh. Anmani’n bōina ṭōn anmantluk khana mihōnna ṭōn antlo.

¹⁵Tâk-kha mihei man-ôkna sik a anchâng kam a khan, anbinga in-ôk hei.

¹⁶Khang’khan anṭhatmakna khan anbinga karâkna apek hei; khana invōk-inthat antlona khan anbinga intôn hei.

¹⁷RŌNGPU kha aṭongtan dik jâra kamanpâk; A’nshângpen RŌNGPU manpâkna hla ke’n kasak.