Read Komrem HLAHEI 79 Bible Online

HLAHEI 79 - Komrem bible

HLAHEI 79

¹Eh Pathen, jât-hlop he’n naram re anhongsō jo, nabek-inn intheng kha anmanbōk jo, Jerusalem kha anmanset chera andahlon jo.

²Namihei taksa kalōng hmuthonghei tasâk sik a, khana nasōk-hei taksa kalōng kha ramshahei tasâk sik a andahlon hei.

³Namihei thisen kha tui kapōa anmantlân, Jerusalem khōshung katlung bit a anthisen kha katlân jo, antaksa kalōng kahre sik mi inkhatbek um om mak jo hei.

⁴Kansir kanpanga ka-om jât he’n inzak anpek ung; anmanuisō ung, sem anmanlo ung.

⁵RŌNGPU, ahei tik a kanchunga nahnuk namannat sik jo mo? Nahnuk natna hi hmei kapōa akakâng ṭhak sik mo?

⁶Nang inmukmak hei leh, nahnenga derna kaneimak hei chunga nahnuknat kha mathlâk roh!

⁷Ajârchu, anmani’n namihei kha anthat hei; khana naram ansuk manram jo.

⁸Kanpu kanpahei set-tlo jâra keini karâkna apek mak roh. Tûnchu keini alungset jo roh; kan-inhōrna rakip katlangsō jo.

⁹Eh Pathen, a’nthōpui roh, ahuk roh; nang kajana achang theina sik, ahuk ina kansetna hei arangei mandam roh.

¹⁰Heisa mo jât he’n, “Nan-Pathen khon mo aka-om?” tia antader sik ung. Anmani’n nasōk-hei thisen anleimasō jâra, jât-hei karâkna napek hei kha keini’n hmu jo rung.

¹¹Kurkhum a aka-om hei inkōi rasa kha theipek hei roh, thina sik a maset manchen jo hei kha, narathahrat vâng khan masō hei roh.

¹²RŌNGPU, jât he’n inzakna antapek che kha aja saria male hei roh.

¹³Kha achang inchu keini nakemōng rup, nami ung hin, ahei tik a kanmanpâk sik che khana akahong sik pha rakip a kanchoi ka-ân sik che.