Read Komrem HLAHEI 81 Bible Online

HLAHEI 81 - Komrem bible

HLAHEI 81

¹Ani kasenpa Pathen hneng inpâk a ông ruh; Jacob Pathen hneng choi ka-ânna hla sak ruh!

²Mahring kahōi leh khōngpui mandei manphut ruh; mahring kahōitak a ṭingṭang leh serângdâr kha manhring ruh.

³Thla kha ahongther jo pha, thla kha ahonglir jo pha, reveina pengkun kha tum ruh.

⁴Hivahi Israel shunga dân kae, Jacob Pathen ṭongpek kae.

⁵Egypt ram abuhlu lai khan Israel mihei hneng hivahi aleipek hei. manhret phungmak kare kathei ati,

⁶“Ke’n nanṭhōm chunga rônkahrik hei kha kalosōt jo; nanṭek rôn hei kha kamaṭhum pek jo chei.

⁷Nankhōdeng thei lai khan nanbek eng, ke’n kahuk chei. Thlipui thlihrem kâra ka’nthupna inphut kahei masôn chei. Meriba tuiri pûtna khan ka-enmansin chei.

⁸Kamansena chei hi, kamihei, rangei ruh; Israel, kaṭong narangei sik hi heituk a kamadu che mo!

⁹Ahlop Pathen nantakamuk hêrmak sik kae.

¹⁰Egypt ram a inphut nanhei kaṭhōisōt RŌNGPU, nan-Pathen eng kae. Nanbei man-âng ruh ke’n kavei sik chei.

¹¹“Tâk-kha kami he’n kaṭong rangei mak hei ning; Israel in kaṭong juimak ning.

¹²Khava jâra anrahe setna kha kamanjui hei, antamadu rakip kamantlo hei.

¹³Kami he’n kaṭong antarangei sik hi heituk a kamadu jo mo; kaṭong antajui sik hi heituk a kamadu jo mo!

¹⁴Anta’nrepui hei kha inrangtak a hmaimôk kapek sik hei, khana ankadōihei kha kator pek sik hei.

¹⁵Kei ani kahōt hei kha ṭittak a kahmai kunga inkun sik hei; anmani karâkna kha are-rea sik kae.

¹⁶Tâk-kha nangni chu gehu kaṭhatak vâng kavei sik chei, khana ram khōihning vâng nanning kamathluk pek sik chei.”