Read Komrem HLAHEI 90 Bible Online

HLAHEI 90 - Komrem bible

HLAHEI 90

¹O RŌNGPU, nang chu ahei tik a kan-inn hongkachang ṭhak che.

²Hmebunghei naleisyem mak hma, vânhnōi ralei aleiom mak hma, nang chu ahei tik a Pathen che kae, khana kumleikōa Pathen kachang ṭhak sik che.

³Nang in keini hi hmalaia kanleiom ngaia kan inle sik nahri pek ung; keini vaiphin naman chang nôk ung.

⁴Kum 1,000 kha nang sik chu ni khat kapō kae; khahei kha akathlengsa jâning lele kapō kae, jân a pha bongkhat rōk kapō kha kae.

⁵Tui kalōng kapōa mihring hringkhō hi namanlōng; rahmang kapōa keini hi akasôt om mak ung. Jîngkâra hardông ahong kacher kapō ung kae.

⁶hong kakeksōt a hong kapâr khana khōhlei ting chu kaṭōi ri jo.

⁷Nahnuknat khan asukset jo ung; nahnuknat khan amanpir jo ung.

⁸Kansetna hei nahmai kunga nada a marûk a kanset tlohei hi nahmuthei pet hei.

⁹Nahnuknat khan kanhringkhō hi amantôipek ung; ṭongmarûk hri kapōa bongkhat shunga kaṭōi ri.

¹⁰Hringkhō kantanei seng hi kum 70 kae, kandam leh chu kum 80 kahring ung, kha’num hringkhō shunga khōdengthei leh inrengna rōk kanthōk; hringkhō hi inrangtak a kathleng, khana keini’m khanga inchai ri ung.

¹¹Tu’n mo pui katluk a nahnuknat rathahrat kha amanhret tor? Nahnuknat inhnak khan heiṭit ka-om mo ahong rôn sōt tor, tu’n mo amanhret?

¹²Keini hi akasing kanhong changtheina sik, kanhringkhō hi heituk akabong mo ti kha amanthei roh.

¹³Nahnuknat kha heituk mo alakasôt sik? O RŌNGPU, nasōk-hei chunga lungset hei roh!

¹⁴Kanhringkhō katlung bit a inpâkna hla kansak a kanhōina sik jîngkâr katai nalungset inthlengmak kha kanchunga mansip roh,

¹⁵Kum khaseng khōdeng theina shunga inrengna kanta hongde jo kapōhrep a tûnchu hōina kha apek jo roh;

¹⁶Nahratna ṭōntlo kha nasōk keini amanhmu roh; kansōn kanpâr he’n nalûrna ratha neina kha hmu hei rasoh.

¹⁷Kan RŌNGPU Pathen, na mahâmṭhat kha kanchunga tlung rasoh; kanṭōn tlona rakip a hmesōna eimannei roh!